sabhi amiron ke taaj khatre mein aa gae the — Muhammad Raza Hyderi

"ham jis ki bund-bund ko tarse chalaa gayaa vo ham pe is se qabl ki barse chalaa gayaa ahbaab us ko vaapsi lene nikal paDe ghurbat kaa bhuut jab mire ghar se chalaa gayaa tab se ye dhuup mere muqaddar mein aa gai saaya jab ek peD kaa sar se chalaa gayaa tujh se milungaa soch ke aaya thaa main magar kuchh pal Thahar ke main tire dar se chalaa gayaa panchhi shajar ki shaakh pe baiThe to der tak tanhaaiyon kaa bojh shajar se chalaa gayaa main ne ye zindagi kaa khulaasa likhaa 'razaa' aaya udhar se aur idhar se chalaa gayaa"

"ishq tujh ko kabhi huaa hi nahin kyaa miri jaan ye tabaahi nahin jis ko maangaa thaa umr-bhar ke liye vo mujhe umr-bhar milaa hi nahin laapata huun main jis ki chaahat mein mujh ko us kaa pata pata hi nahin yuun achaanak mujhe vo chhoD gayaa saath jaise kabhi vo thaa hi nahin zindagi haath joDti hai magar kah rahaa hai har ik sipaahi nahin kyaa tire paas muflisi hai bataa gar mire paas baadshaahi nahin jo mire saath ho rahaa hai yahaan mujh ko manzur yaa-ilaahi nahin"

"jahaan pe chhoDi thi baat dil ki vahin se jaari zarur karte agar vo suntaa hamaari baatein to baat saari zarur karte khudaa se fursat nahin milegi khudaa ke bandon ko aaj varna khudaa ke bande khudaa ki khaatir madad hamaari zarur karte azaab-e-dozakh kaa khauf bhi hai husul-e-jannat kaa shauq bhi hai jo ye na hote to dil se puujaa ye sab pujaari zarur karte ab aur himmat nahin hai ham mein tumhaari chaalon se thak chuke hain yaqin tum par zaraa bhi hotaa to phir se yaari zarur karte kisi ne puchhaa ki aap hote to jaan ham par nisaar karte dimaagh mein thaa kabhi na karte zabaan-pukaari zarur karte labon ko si kar ghamon ko pi kar bharam mohabbat kaa rakh liyaa hai vagarna le le ke naam teraa ham aah-o-zaari zarur karte"

"na kisi jin se na haivaan se Dar lagtaa hai aaj ke daur mein insaan se Dar lagtaa hai roz marne ki khabar aati hai rab ke ghar se ab to masjid ke har elaan se Dar lagtaa hai ai khudaayaa miri aankhon ko samundar kar de shahr vaalon ko bayaabaan se Dar lagtaa hai ham ko allaah ke bandon se koi khauf nahin ham ko kaafir se musalmaan se Dar lagtaa hai mutmain huun ki miraa saath nibhaaoge magar duur ho jaane ke imkaan se Dar lagtaa hai phir na rishta koi aaya ho javaan beTi kaa ghar mein aate hue mehmaan se Dar lagtaa hai mujh ko aazaad karo mujh ko bikharnaa hai 'razaa' main vo gul huun jise gul-daan se Dar lagtaa hai"

"na jaane kyon vahi jiinaa haraam karte hain ki jin kaa dil se bahut ehtiraam karte hain tumhaaraa zikr kisi baat mein agar aae ham haath joD ke qissa tamaam karte hain hamein hai is liye urdu zabaan se ulfat ham is zabaan mein rab se kalaam karte hain hamaaraa martaba sahraa-e-ishq mein ye hai janaab-e-qais bhi jhuk kar salaam karte hain kai hain log jo jiite hain kaam ki khaatir kai hain log jo jiine ko kaam karte hain khudaa gavaah hai pasti mein rahne vaalon par baDaa hi zulm ye aali-maqaam karte hain 'razaa' vo gham bhi hamein Thiik se nahin detaa ham apni saari khushi jis ke naam karte hain"

"din raat Dhal rahe hain lamhaat Tal rahe hain dhire se zindagi ke safhaat jal rahe hain har-su tumhaari surat har-su sadaa tumhaari kamra nahin ye meraa jinnaat pal rahe hain dekho to ye vahi hain dushman hamaari jaan ke jo doston ki saf mein hazraat kal rahe hain na guftugu kisi se na qahqahe na khushiyaan ham chal rahe hain jaise haalaat chal rahe hain apne lahu se main ne aise diye jalaae aise diye jo vaqt-e-barsaat jal rahe hain"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"