sitam tir-e-nigaah-e-dilrubaa thaa — Hijr Nazim Ali Khan

"tum bhi nigaah mein ho adu bhi nazar mein hai duniyaa hamaare dida-e-hasrat-nagar mein hai haan jaante hain jaan kaa khvaahaan tumhin ko ham maalum hai ki tegh tumhaari kamar mein hai kyaa rashk hai ki ek kaa hai ek muddai tum dil mein ho to dard hamaare jigar mein hai go ghair ki baghal mein sahi vo pari-jamaal main to yahi kahungaa ki meri nazar mein hai donon ne dard-e-ishq ko taqsim kar liyaa thoDaa saa dil mein hai to zaraa saa jigar mein hai main bhi huun aaj main ki bar aai muraad-e-dil dil bhi hai aaj dil ki vo mehmaan ghar mein hai mamnun huun khayaal kaa apne shab-e-firaaq jo saamne nazar ke nahin vo nazar mein hai dilbar ho ek tum ki hamaari nazar mein ho dil hai hamaaraa dil ki tumhaari nazar mein hai kahte hain jis ko dil mire pahlu mein ab kahaan hai bhi to paaemaal kisi rahguzar mein hai dekho to dekhte hain tumhein kis nigaah se hasrat hai jis kaa naam hamaari nazar mein hai jis par paDi pasij gayaa mom ho gayaa Duubi hui nigaah hamaari asar mein hai jachtaa nahin nigaah mein koi hasin bhi 'hijr' jab se kisi ki chaand si surat nazar mein hai"

"vo shokh baam pe jab be-naqaab aaegaa to maahtaab-e-falak ko hijaab aaegaa khabar na thi ki miTeinge javaan hote hi ajal kaa bhes badal kar shabaab aaegaa paDegaa aks jo saaqi ki chashm-e-maigun kaa nazar sharaab mein jaam-e-sharaab aaegaa hazaar haif ki sar naama-bar kaa aayaa hai samajh rahe the ki khat kaa javaab aaegaa kalim haan dil-e-betaab ko sambhaale hue sunaa hai tuur pe vo be-naqaab aaegaa jo aarzu hai hamaari vo kah to dein lekin khayaal ye hai ki tum ko hijaab aaegaa ye shokhiyaan tiri is kam-sini mein ai zaalim qayaamat aaegi jis din shabaab aaegaa kabhi ye fikr ki vo yaad kyuun kareinge hamein kabhi khayaal ki khat kaa javaab aaegaa chalaa hai 'hijr' siyahkaar bazm-e-jaanaan ko zalil ho ke ye khaana-kharaab aaegaa"

"shab-e-firaaq kuchh aisaa khayaal-e-yaar rahaa ki raat bhar dil-e-gham-dida be-qaraar rahaa kahegi hashr ke din us ki rahmat-e-be-had ki be-gunaah se achchhaa gunaah-gaar rahaa tiraa khayaal bhi kis darja shokh hai ai shokh ki jitni der rahaa dil mein be-qaraar rahaa sharaab-e-ishq faqat ik zaraa si chakkhi thi baDaa surur ghuTaa muddaton khumaar rahaa unhein gharaz unhein matlab vo haal kyuun puchhein balaa se un ki agar koi be-qaraar rahaa tumhein kabhi na kabhi mar ke bhi dikhaa dungaa jo zindagi ne vafaa ki jo barqaraar rahaa adaaein dekh chuke aaine mein aap apni bataaiye to sahi dil par ikhtiyaar rahaa shab-e-visaal baDe lutf se kaTi ai 'hijr' tamaam raat kisi ke gale kaa haar rahaa"

"kuchh mohabbat mein ajab sheva-e-dil-daar rahaa mujh se inkaar rahaa ghair se iqraar rahaa kuchh sarokaar nahin jaan rahe yaa na rahe na rahaa un se to phir kis se sarokaar rahaa shab-e-khalvat vahi hujjat vahi takraar rahi vahi qissa vahi ghussa vahi inkaar rahaa taalib-e-did ko zaalim ne ye likkhaa khat mein ab qayaamat pe miraa vaada-e-didaar rahaa haal-e-dil bazm mein us shokh se ham kah na sake lab-e-khaamosh ki surat lab-e-izhaar rahaa kuchh khabar hai tujhe o chain se sone vaale raat bhar kaun tiri yaad mein bedaar rahaa ik nazar nazaa mein dekhi thi kisi ki surat muddaton qabr mein bechain dil-e-zaar rahaa dil hamaaraa thaa hamaaraa thaa hamaaraa lekin un ke qaabu mein rahaa un kaa taraf-daar rahaa umr hans-khel ke is tarah guzaari ai 'hijr' dost kaa dost rahaa yaar kaa main yaar rahaa"

"vo ye kahte hain zamaane ki tamannaa main huun kyaa koi aur bhi aisaa hai ki jaisaa main huun apne bimaar-e-mohabbat kaa mudaavaa na huaa aur phir is pe ye daavaa ki masihaa main huun aks se apne vo yuun kahte hain aaine mein aap achchhe hain magar aap se achchhaa main huun kahte hain vasl mein siine se lipaT kar mere sach kaho dil tumhein pyaaraa hai ki pyaaraa main huun vo sataataa hai alag charkh-e-sitam-gaar alag saikDon dushman-e-jaan hain mire tanhaa main huun bakht bargashta vo naaraaz zamaana dushman koi meraa hai na ai 'hijr' kisi kaa main huun"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"murattab aur bhi ik goshvaara ho rahaa hai to kyaa hai gar abhi ham ko khasaara ho rahaa hai hamaare paas to ham se ziyaada tu nahin thaa so tu kyaa ab to khud se bhi kinaara ho rahaa hai hamaare khvaab mein ahmiyat-e-shab thi ziyaada so ab vo khvaab aankhon mein sitaara ho rahaa hai tumhaari aarzu hone se pahle bhi to ham the guzaara ho rahaa thaa so guzaara ho rahaa hai hayaa-aalud aankhein hain na aanchal hai na chilman ye kis viraan duniyaa kaa nazaara ho rahaa hai abhi ham faisla karne ki ujlat mein nahin hain magar lagtaa hai jiine se khasaara ho rahaa hai khalaa se is zamin par sang-rezo ki ye baarish kisi jaanib se kyaa koi ishaara ho rahaa hai"

"choT par choT khaa rahaa huun main 'aadatan muskuraa rahaa huun main us ke uupar to kuchh asar hi nahin apnaa dil kyon jalaa rahaa huun main aaj tanhaai mein jo baiThe ho kyaa tumhein yaad aa rahaa huun main kaun aaegaa mujh se milne ko apnaa ghar kyon sajaa rahaa huun main aaj ji bhar ke dekh lo mujh ko ab bahut duur jaa rahaa huun main kyaa tumhein ab bhi kuchh shikaayat hai ab to sab kuchh kamaa rahaa huun main haath mein Digriyaan sajaae hue Thokarein kitni khaa rahaa huun main ab mujhe peT in se bharnaa hai ye jo khanjar banaa rahaa huun main kal koi is ko bhi na chhoDegaa ye jo paudaa lagaa rahaa huun main"