sukun-e-dil mayassar ho maqaam aisaa kahaan hogaa — Gauhar Aziz

"yahaan aaghaaz aur anjaam badle jaa rahe hain ki jaise mai-kashon mein jaam badle jaa rahe hain taraqqi aur khush-haali ke din bhi aur kyaa hon puraani bastiyon ke naam badle jaa rahe hain muhaafiz raahzan ho aur zaalim paarsaa ho sunaa hai aadmi ke kaam badle jaa rahe hain nayaa mazhab nai puujaa khudaa bhi ab nae hon sanam-khaanon ke sab asnaam badle jaa rahe hain mutaabiq ab nahin shaayad hamaari soch ke vo buzurgon ke sabhi paighaam badle jaa rahe hain qubul-e-‘aam kar lein aao ab apni khataaein sazaa se ghaaliban in'aam badle jaa rahe hain buraai ko bhalaai ki sanad de de ke 'gauhar' ba-naam-e-hurriyat ayyaam badle jaa rahe hain"

"ham ko hasrat na rahi nashsha-e-baada karte haan magar jiine kaa bharpur iraada karte mere kashkol mein khairaat-e-vafaa di to magar kaash tum dil ko zaraa aur kushaada karte zindagi toD gai lag ke hamein fikr-e-ma'aash vo na hoti to tumhein 'ishq ziyaada karte chumte log nigaahon se hamein bhi aksar kuchh hasin zeb-e-badan garche labaada karte aap ke aane na aane ki koi baat nahin baat to ye thi nibhaa lete jo vaa'da karte ham ne raushan to kiye aap ki raahon mein sadaa aankh hoti to charaaghon se ifaada karte jazb hote na kahin aab-e-pashemaan ho kar ham jo safhaat-e-guzishta kaa i'aada karte kuchh to shaaeq ki jhalak aap mein aati 'gauhar' apne andaaz-e-takhaatub ko jo saada karte"

"vafaaon ki jafaaon ki to tasvirein nahin hotin to kyaa chehron pe insaanon ke tahrirein nahin hotin chalo maanaa zabaan-bandi to naafiz ho gai lekin karein jo qaid zehn-o-dil vo zanjirein nahin hotin ye daulat saltanat taaqat hukumat hain magar kab tak kisi ki mustaqil duniyaa mein jaagirein nahin hotin kai auraaq yaadon ke hain jin mein ab bhi raushan hain hazaaron khvaab aise jin ki taa'birein nahin hotin 'abas hai us ki har koshish mire sar ko jhukaane ki zamin par aasmaan laane ki tadbirein nahin hotin chalo jo jang mein to pairahan ko aahani kar lo ba-dast-e-dushmanaan miTTi ki shamshirein nahin hotin khudaa chaahe jise jo bakhsh de ye us ki marzi hai sivaa kuchh is ke insaanon ki taqdirein nahin hotin"

"main aansuon ko 'ishq mein kab tak lahu karun mauqa' mile to daaman-e-dil ko rafu karun kyaa baat hai ki aaein ta'alluq mein talkhiyaan main sochtaa huun tum se kabhi guftugu karun jab ho gai hai khidmat-e-shaakh-o-shajar nasib paidaa chaman mein kuchh to nai rang-o-bu karun sach aur jhuuT donon to ik hi tarah ke hain main kyon na ek roz inhein ru-ba-ru karun mehmaan to ho vo maah-jabin meraa koi shaam main ehtimaam-e-baada-o-jaam-o-subu karun tahzib se hamaari jo baaqi rahe sadaa gangaa mein tum nahaao to main bhi vuzu karun parvardigaar ye bhi du'aa kar miri qubul puuri na ho jo aisi koi aarzu karun 'gauhar' mile zaraa bhi agar baarishon kaa saath paidaa mizaaj-e-khaak mein zauq-e-numu karun"

"guzraa bahut hai us ko giraan jaantaa huun main par thaa usi ke haq mein bayaan jaantaa huun main vo nafraton ki aag mein be-rahm jal gayaa ab hai vujud us kaa dhuaan jaantaa huun main divaana hai jali hui raakhon ke Dher mein jo DhunDhtaa hai apnaa nishaan jaantaa huun main aankhein thiin us ki shokh hayaa-daar ho gaiin ab ho gayaa hai vo bhi javaan jaantaa huun huun saaqi giraa huaa huun nashe mein to kyaa huaa masjid se kyon hui hai azaan jaantaa huun main 'gauhar' har ek gaam Thahar jaae kyon na dar jhuknaa hai mere sar ko kahaan jaantaa huun main"

"shaamil mire vujud mein hai bud-o-baash mein main duur tak na jaaungaa us ki talaash mein maghrur koi hogaa sanam husn par magar khubi to hai nigaah mein kuchh but-taraash mein kaaTaa to apne daant se ik aadmi ne thaa saanpon kaa zahr kaise milaa meri laash mein husn-o-shabaab shaan-e-khudaa-daad baankpan ik ek kar ke luT gae fikr-e-ma'aash mein taarikh mein abhi bhi tumhi jaan-nisaar ho tabdil kaise ho gae tum zinda laash mein fitrat mein ho fareb to chehre se har koi bahrupiyaa saa lagtaa hai apne qimaash mein vo chaal kyaa chalegaa nai jaante hain sab baavan hi patte aaj bhi hote hain taash mein 'gauhar' tumhaare lafz aTakne lage hain kyon kuchh baat hai zarur gale ki kharaash mein"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"