tahzib-e-husn-o-rang-e-bahaaraan liye hue — Gulzar Dehlvi

"yaa milaa qaum ko khud apnaa nigahbaan ho kar sau tarah dekh liyaa ham ne pareshaan ho kar kaafir-e-'ishq hi achchhe the sanam-khaanon mein shaan-e-imaan na mili saahab-e-imaan ho kar naqs-e-tanzim se ho tark-e-chaman kyaa maa'ni ham ko rahnaa hai yahin taar-e-rag-e-jaan ho kar kyaa huaa gar koi hindu ki musalmaan Thahraa aadmiyyat kaa nahin paas jo insaan ho kar ham bujhein bhi to bujhein misl-e-charaagh-e-sahari aur jo raushan hon to hon sham-e-shabistaan ho kar dil mein ahbaab ke ham ban ke asar baiTheinge aur uTheinge isi gulshan se bahaaraan ho kar kyaa gulistaan mein nayaa hukm-e-zabaan-bandi hai baaghbaan bhi huaa sayyaad-e-nigahbaan ho kar sidq niyyat se agar us ki chaman-bandi ho phir rahe kyuun na vatan mulk-e-sulemaan ho kar ab ham apne liye khud sud-o-ziyaan socheinge ham ko jiinaa hi nahin banda-e-ehsaan ho kar rashk-e-gulzaar-e-iram arz-e-vatan jab hogi apne begaane basein sumbul-o-raihaan ho kar"

"pahle to daam-e-zulf mein uljhaa liyaa mujhe bhule se phir kabhi na dilaasaa diyaa mujhe kyaa dardnaak manzar-e-kashti thaa ruud mein main naa-khudaa ko dekh rahaa thaa khudaa mujhe baiThaa huaa hai rashk-e-masihaa mire qarib kas bebasi se dekh rahi hai qazaa mujhe un kaa bayaan meri zabaan par jo aa gayaa lahje ne un ke kar diyaa kyaa khush-navaa mujhe jin ko rahi sadaa mire marne ki aarzu jiine ki de rahe hain vahi ab du'aa mujhe jaane kaa vaqt aayaa to aai sadaa-e-haq muddat se aarzu thi mile ham-navaa mujhe har baam-o-dar se ek ishaara hai roz-o-shab ne main vafaa ko chhoD sakaa ne vafaa mujhe duniyaa ne kitne mujh ko dikhaae hain sabz baagh un se na koi kar sakaa lekin judaa mujhe tasvir us ke haath mein lab par miri ghazal dekhaa na ek aankh na jis ne sunaa mujhe fard-e-'amal mein meri hon shaamil sab un ke jaur un ke kiye ki shauq se diije sazaa mujhe meri vafaa kaa un ko mile hashr mein sila mil jaaein un ke naam ke jaur-o-jafaa mujhe har roz mujh ko apnaa badalnaa paDaa javaab roz ik sabaq paDhaataa hai qaasid nayaa mujhe dekhaa tumhaari shakl mein husn-e-azal ki zau sajda tumhaare dar pe huaa hai ravaa mujhe jhonkaa koi nasim kaa 'gulzaar'-e-naaz mein un kaa payaam kaash sunaae sabaa mujhe"

"kaun dekhegaa zamaane inqilaab-e-naaz ke bhuul baiThe hain vo vaade ishq ke aaghaaz ke hote hain tir-e-sitam sar chaahne vaalon pe ab ye nae andaaz dekhe ghamza-o-ghammaaz ke mere aah-o-naale ko zaalim samajh naadaan na ban saaz ke naghme nahin ye hain shikast-e-saaz ke baal-o-par ab tak bandhe hain huun muqayyad taa-hanuz hukm saadir ho chuke hain go meri parvaaz ke ishq-e-din hubb-e-vatan zauq-e-amal paas-e-vafaa jauhar-e-insaaniyat hain ye kisi dam-saaz ke is kharaab-aabaad ki tanzim kuchh aasaan na thi moajize hain ye masihaa-dam tere andaaz ke saaz-e-hasti teri ik aavaaz se thaa naghma-kaar muntazir divaane dil hain dusri aavaaz ke chaar kaliyon ke sahaare hai gulistaan kaa qayaam zaahiran jo gul hain varna khaar hain eajaaz ke go ghanimat panja-e-aghyaar ke chhuTnaa sahi kyuun magar ham said hon chashm-e-zamaana-saaz ke inqalaab ik apne haq mein aur bhi aane ko hai ye maaani hain haqiqat mein navaa-e-raaz ke zulm par tum zulm Dhaao ham na khinchein aah tak vaah kyaa kahiye tumhaare ishva-o-andaaz ke hind mein qaaem rahe daaim bahaar-e-be-khizaan ye duaa lab par ho har 'gulzaar' ke dam-saaz ke"

"ab to sahraa mein raheinge chal ke divaanon ke saath dahr mein mushkil huaa jiinaa jo farzaanon ke saath khatm ho jaaeinge qisse kal ye divaanon ke saath phir inhein dohraaoge tum kitne unvaanon ke saath bazm mein ham ko bulaa kar aap uTh kar chal diye kyaa suluk-e-naaravaa jaaez hai mehmaanon ke saath nafratein phailaa rahe hain kaisi shaikh-o-barhaman kyaa shumaar in kaa kareinge aap insaanon ke saath un ki aankhon ki gulaabi se jo ham makhmur hain ik ta’alluq hai qadimi ham ko paimaanon ke saath har taraf ku-e-butaan mein hasraton kaa hai hujum ek dil laae the ham to apnaa armaanon ke saath kal talak daanaaon ki sohbat mein the sab ke imaam aaj kaise sust hain yuun shaikh naa-daanon ke saath un ki aankhein ik taraf ye jaam-o-minaa ik taraf kis tarah gardish mein hain paimaane paimaanon ke saath 'aashiqon ke dil mein shab faanus raushan ho gae sham' kaa jiinaa hai laazim apne parvaanon ke saath haif gulzaar-e-jahaan mein gul yagaane ho gae lahlahaa kar ab rahegaa sabza begaanon ke saath"

"un ki nazar kaa lutf numaayaan nahin rahaa ham par vo iltifaat-e-nigaaraan nahin rahaa dil-bastagi-o-aish kaa saamaan nahin rahaa khush-baashi-e-hayaat kaa saamaan nahin rahaa ye bhi nahin ki gul mein lataafat nahin rahi par jannat-nigaah gulistaan nahin rahaa har be-hunar se garm hai baazaar-e-siflagi ahl-e-hunar ke vaaste maidaan nahin rahaa apni zabaan apnaa tamaddun badal gayaa lutf-e-kalaam ab vo sukhan-daan nahin rahaa kyuun ab tavaaf-e-ku-e-malaamat se hai gurez kyaa vo junun-e-kucha-e-jaanaan nahin rahaa sikhaa hai haadsaat-e-zamaana se khelnaa ham ko hiraas-e-mauja-e-tufaan nahin rahaa har bait jis ke faiz se bait-ul-ghazal bane ab vo surur-e-chashm-e-ghazaalaan nahin rahaa divaangi-e-shauq ke qurbaan jaaiye ab imtiyaaz-e-jeb-o-garebaan nahin rahaa pir-e-mughaan ki baiat-e-kaamil ke faiz se ab shaikh naam kaa bhi musalmaan nahin rahaa un ki nigaah-e-naaz kaa ye iltifaat hai chaaragaron kaa ziist par ehsaan nahin rahaa kyaa haal hai tumhaaraa azizaan-e-lucknow tahzib-e-ahl-e-dilli kaa pursaan nahin rahaa har shai hai is jahaan mein lekin khudaa-gavaah 'gulzaar' is dayaar mein insaan nahin rahaa"

"khudaa ne husn diyaa hai tumhein shabaab ke saath subu-o-jaam khanakte hue rabaab ke saath labon se chhu ke pilaao sharaab vaa'iz ko puraane log hain piite hain ye gulaab ke saath ye kis ki zulf-e-pareshaan kaa faiz hai yaaro tamaam 'umr guzaari hai pech-o-taab ke saath khili hui jo hai suraj-mukhi gulistaan mein ye kis ne aankh milaai hai aaftaab ke saath kahaan vo garmi-e-'azm-o-'amal vo qurbaani vo josh khatm huaa daur-e-inqilaab ke saath khudi ko fakhr hai hamdam anaa ko ham par naaz ki ham ne 'umr guzaari hai aab-o-taab ke saath rivaayaton ko kabhi chhoDte nahin 'gulzaar' shagufe rahte hain har vaqt kuchh janaab ke saath"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"saanvli dhuup surmai mausam phir vahi ham hain phir vahi mausam khair ho saaebaan-e-gum-gashta jhelne paD gae kai mausam daastaan-e-tazaad hai goyaa shahr-e-khubaan samundari mausam ham ne apni bayaaz mein likkhe dil pe biite hue sabhi mausam ik ta'alluq hai 'aarzi yaa'ni mausam-e-gul hai 'aarzi mausam dil-figaaron ko kaun samjhaae lauTte kab hain makhmali mausam"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"ab tire lams ko yaad karne kaa ik silsila aur divaana-pan rah gayaa tu kahin kho gayaa aur pahlu mein teri shabaahat liye ik badan rah gayaa vo saraapaa tiraa vo tire khaal-o-khad meri yaadon mein sab muntashir ho gae lafz ki justuju mein laraztaa huaa nim-vaa saa faqat ik dahan rah gayaa harf ke harf se kyaa tazaadaat hain tu ne bhi kuchh kahaa main ne bhi kuchh kahaa tere pahlu mein duniyaa simaTti gai mere hisse mein harf-e-sukhan rah gayaa tere jaane se mujh par ye uqda khulaa rang-o-khushbu to bas teri miraas the ek hasrat saji rah gai gul-ba-gul ek maatam chaman-dar-chaman rah gayaa ek be-naam khvaahish ki paadaash mein teri palkein bhi baaham piro di gaiin ek vahshat ko sairaab karte hue mein bhi aankhon mein le kar thakan rah gayaa arsa-e-khvaab se vaqt maujud ke raaste mein ganvaa di gai guftugu ek israar ki bebasi rah gai ek inkaar kaa baankpan rah gayaa tu sitaaron ko apni jilau mein liye jaa rahaa thaa tujhe kyaa khabar kyaa huaa ik tamannaa dariche mein baiThi rahi ek bistar kahin be-shikan rah gayaa"