thi jo duniyaa-e-rang-o-bu tujh se — Nazish Ansari

"jo raat bhar tire khvaabon mein ghumtaa hogaa vo main nahin miri surat kaa dusraa hogaa haqiqaton kaa mujhe tajraba nahin main chalaa koi saraab miri raah dekhtaa hogaa hamaari qabr kaa koi nishaan nahin phir bhi hamaari qabr par ik shakhs ro rahaa hogaa junun bane to sharaara vafaa bane to gulaab vo dil ke baare mein itnaa to jaantaa hogaa tumhaare haath tumhin ko halaak kar deinge hamaare baa'd tumhaaraa bhi faisla hogaa har ek lamha hai masruf phir bhi be-maqsad hamaare ahd kaa anjaam jaane kyaa hogaa"

"kabhi mujh ko bhi meraa chehra dikhaa mujhe meraa aaina kar ai khudaa mire ghar ki divaarein haT jaaein to mire ghar mein bhi aae taaza havaa hui shaam aankhon ke aakaash se sahife utarne kaa vaqt aa gayaa samandar ki vo al-‘atash-al-‘atash vo khaali gilaason se sar phoDnaa baDe shahron mein jaane kyon in dinon bahut shor hai meri tanhaai kaa"

"na aur aag ki faslein ugaao dharti par samundaron ke ghulaamo ab aao dharti par hamaare haathon ne kab aur kyon banaae hain ujaaD qabron ki maanind ghaav dharti par main khud hi aaungaa nilaahaTon ke des mein tum miri talab mein bhaTakne na aao dharti par kisi tarah to hon taaraaj khvaahishon ke makaan bahaao aag ke dariyaa bahaao dharti par zamaana biit gayaa maan ki god kahte hue nai nai koi tohmat lagaao dharti par"

"des raavan kaa hai siine mein chhupaa lo na mujhe main koi raam nahin ghar se nikaalo na mujhe dar-ba-dar kar ke sabaa jaane kahaan le jaae suuni galiyon ki viraasat huun uchhaalo na mujhe us ke khanjar ki bahak bhi baDi jaan-levaa hai main ki kuchh bhi na sahi saamne Daalo na mujhe main tamaasha nahin apne liye itnaa samjho phir kabhi dekhnaa ai dekhne vaalo na mujhe khud ko mahsus kiye jaanaa ibaadat se sivaa bahtaa dariyaa huun samundar mein to Daalo na mujhe"

"hamaari tarah sadaa ik uchhaal kar dekho javaab kuchh na milegaa savaal kar dekho hasin shab se jo sharminda ho ke Duub gayaa nadi se aaj vo suraj nikaal kar dekho vo apni zaat thi jo TuuTi aur nahin bikhri ye aaina hai ise tum sambhaal kar dekho gharib dhuup jo bikhri paDi hai kamre mein sameTo aur nae suraj mein Dhaal kar dekho main raushni huun andheraa huun dard huun kyaa huun mire vajud se mujh ko nikaal kar dekho"

"kyon le aae sar-e-baazaar suno ai logo main na fankaar na shahkaar suno ai logo TuTte harfon kaa nauha huun labon par chun lo ik sadaa kaa huun talabgaar suno ai logo har ta'aaruf pe nahin jhukti nigaah-e-taslim aankh hoti hai samajhdaar suno ai logo ik siyah-bakht chamak kar jahaan bujh jaaegaa koi ho jaaegaa bedaar suno ai logo main ki khush huun mujhe duuri kaa na ehsaas dilaao kyon uThaate ho ye divaar suno ai logo sukhe zakhmon ke chaTakne ki sadaa bhi anmol dil se baDh kar nahin fankaar suno a logo"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"