udaasi ke manzar makaanon mein hain — Devmani Pandey

"ik qatre ko dariyaa samjhaa main bhi kaisaa paagal huun har sapne ko sachchaa samjhaa main bhi kaisaa paagal huun beach dilon ke vo duuri thi tai karnaa aasaan na thaa aankhon ko ik rasta samjhaa main bhi kaisaa paagal huun baDaa kiyaa thaa paal-pos kar phir bhi ik din bichhaD gae khvaabon ko ik bachcha samjhaa main bhi kaisaa paagal huun kaanTe si khud meri shohrat har-pal dil mein chubhti hai fan ko khel-tamaashaa samjhaa main bhi kaisaa paagal huun tan par to ujle kapDe the lekin man ke kaale the un logon ko achchhaa samjhaa main bhi kaisaa paagal huun"

"aaine mein dekh ke chehra be-shak main hairaan huaa dil ki duniyaa luuT gayaa hai jo dil kaa mehmaan huaa tu ne apnaa chain ganvaayaa meri niind uDaa di hai dil ke naazuk rishte mein to donon kaa nuqsaan huaa tere saanson ki khushbu se mahak rahi hai tanhaai teraa ek tabassum mere jiine kaa saamaan huaa kahaan gae vo jin ke dam se kheton mein hariyaali thi suuni kyuun gaanv ki galiyaan kyuun aangan viraan huaa kitne fankaaron ne ab tak jazbon ko alfaaz diye apne gham kaa sarmaayaa hi shaair ki pahchaan huaa vaise to aasaan nahin thaa khulnaa band kivaaDon kaa daakhil honaa dil mein lekin dastak se aasaan huaa"

"mahak kaliyon ki phulon ki hansi achchhi nahin lagti tumhaare bin hamein ye zindagi achchhi nahin lagti bhale mil jaae daulat aur shohrat ham ko duniyaa mein magar dil ko mohabbat ki kami achchhi nahin lagti zaraa si Thes lagne se chhalak paDte hain kyuun aansu hamesha aankh mein itni nami achchhi nahin lagti mohabbat ke safar mein rut bhi aati hai judaai ki hamein us vaqt koi bhi khushi achchhi nahin lagti kabhi to abr ban kar jhuum kar niklo kahin barso ki har mausam mein ye sanjidgi achchhi nahin lagti"

"dil ne chaahaa bahut aur milaa kuchh nahin zindagi hasraton ke sivaa kuchh nahin ishq ne ham ko saughaat mein kyaa diyaa zakhm aise ki jin ki davaa kuchh nahin paDh ke dekhi kitaabein mohabbat ki sab aansuon ke alaava milaa kuchh nahin har khushi kaa mazaa gham ki nisbat se hai gham nahin hai agar to mazaa kuchh nahin zindagi mujh se ab tak tu kyuun duur hai darmiyaan apne jab faasla kuchh nahin"

"kahaan gai ehsaas ki khushbu fanaa hue jazbaat kahaan ham bhi vahi hain tum bhi vahi ho lekin ab vo baat kahaan mausam ne angDaai li to muskaae kuchh phuul magar man mein dhuum machaa de ab vo rangon ki barsaat kahaan mumkin ho to khiDki se hi raushan kar lo ghar-aangan itne chaand sitaare le kar phir aaegi raat kahaan khvaabon ki tasviron mein ab aao bhar lein rang nayaa chaand samundar kashti ham tum ye jalve ik saath kahaan ik chehre kaa aks sabhi mein DhunD rahaa huun barson se laakhon chehre dekhe lekin us chehre si baat kahaan chamak damak mein Duub gae hain pyaar vafaa ke asli rang 'dev' jahaan vaalon mein ab vo pahle se jazbaat kahaan"

"kyaa chaahaa thaa kyaa sochaa thaa kyaa guzri kyaa baat hui dil bhi TuuTaa ghar bhi chhuTaa rusvaai bhi saath hui vo kyaa jaane us se bichhaD ke ham par kyaa kyaa guzri hai sahraa jaisaa din kaa aalam parbat jaisi raat hui us ke khat ko kaise paDhun main saare lafz to bhige hain meri chhat par baadal chhaae us ke ghar barsaat hui yuun khoe ham yaad mein us ki goyaa khud ko bhuul gae kisi khabar hai kab din niklaa kise pata kab raat hui dil ke pyaase aangan mein kal yaad ke baadal yuun aae der talak ye tan-man bhigaa be-mausam barsaat hui"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"