usi chaman mein chalein jashn-e-yaad-e-yaar karein — Makhdoom Mohiuddin

"daraaz hai shab-e-gham soz-o-saaz saath rahe musaafiro mai-e-minaa-gudaaz saath rahe qadam qadam pe andheron kaa saamnaa hai yahaan safar kaThin hai dam-e-shoala-saaz saath rahe ye koh kyaa hai ye dasht-e-alam-fazaa kyaa hai jo ik tiri nigah-e-dil-navaaz saath rahe koi rahe na rahe ek aah ik aansu ba-sad khulus ba-sad imtiyaaz saath rahe ye mai-kada hai nahin sair-e-dair sair-e-haram nazar-afif dil-e-paak-baaz saath rahe"

"simaab-vashi tishna-labi baa-khabari hai is dasht mein gar rakht-e-safar hai to yahi hai is shahr mein ik aahu-e-khush-chashm se ham ko kam kam hi sahi nisbat-e-paimaana rahi hai be-sohbat-e-rukhsaar andheraa hi andheraa go jaam vahi mai vahi mai-khaana vahi hai is ahd mein bhi daulat-e-kaunain ke baa-vasf har gaam pe un ki jo kami thi so kami hai har dam tire anfaas ki garmi kaa gumaan hai har yaad tiri yaad ke phulon mein basi hai har shaam sajaae hain tamannaa ke nasheman har subh mai-e-talkhi-e-ayyaam bhi pi hai dhaDkaa hai dil-e-zaar tire zikr se pahle jab bhi kisi mahfil mein tiri baat chali hai vo itr tiri kaakul-e-shab-rang ne chhiDkaa mahki hai khirad ruuh kali ban ke khili hai"

"gulu-e-yazdaan mein nok-e-sinaan bhi TuuTi hai kashaakash-e-dil-e-paigham-baraan bhi TuuTi hai saraab hai ki haqiqat nazaara ki fareb yaqin bhi TuuTaa hai tarz-e-gumaan bhi TuuTi hai siyaasat-e-dil-aaina chuur chuur to thi siyaasat-e-dil-e-aahan-garaan bhi TuuTi hai andheri raat kaa ye nim-baaz sannaaTaa gulon ki saans rag-e-gulsitaan bhi TuuTi hai tumhaare jism kaa suraj jahaan jahaan TuuTaa vahin vahin miri zanjir-e-jaan bhi TuuTi hai kahaan hain aalam-e-imkaan vajud mein aaein nazar nazar hi rahi hai jahaan bhi TuuTi hai shikast-o-rekht zamaane ki khuub hai 'makhdum' khudi to TuuTi thi khu-e-butaan bhi TuuTi hai"

"raushan hai bazm-e-shoala-rukhaan dekhte chalein is mein vo ek nur-e-jahaan dekhte chalein vaa ho rahi hai mai-kada-e-nim-shab ki aankh angDaai le rahaa hai jahaan dekhte chalein sargoshiyon ki raat hai rukhsaar o lab ki raat ab ho rahi hai raat javaan dekhte chalein dil mein utar ke sair-e-dil-e-rah-ravaan karein aahon mein Dhal ke zabt-e-fughaan dekhte chalein kaise hain khaanqaah mein arbaab-e-khaanqaah kis haal mein hai pir-e-mughaan dekhte chalein maazi ki yaadgaar sahi yaad-e-dil to hai tarz-e-nashaat-e-nauha-garaan dekhte chalein sab vasvase hain gard-e-rah-e-kaarvaan ke saath aage hai mishalon kaa dhuaan dekhte chalein aanchal se uD rahe hain fazaaon mein duur duur shaayad vahi ho jaan-e-butaan dekhte chalein aa hi gae hain raqs-gah-e-gul-rukhaan mein ham kuchh rang-o-bu kaa sail-e-ravaan dekhte chalein"

"saaz aahista zaraa gardish-e-jaam aahista jaane kyaa aae nigaahon kaa payaam aahista chaand utraa ki utar aae sitaare dil mein khvaab mein honTon pe aayaa tiraa naam aahista ku-e-jaanaan mein qadam paDte hain halke halke aashiyaane ki taraf taair-e-baam aahista un ke pahlu ke mahakte hue shaadaan jhonke yuun chale jaise sharaabi kaa khiraam aahista aur bhi baiThe hain ai dil zaraa aahista dhaDak bazm hai pahlu-ba-pahlu hai kalaam aahista ye tamannaa hai ki uDti hui manzil kaa ghubaar subh ke parde mein yaad aa gai shaam aahista"

"phir chhiDi raat baat phulon ki raat hai yaa baraat phulon ki phuul ke haar phuul ke gajre shaam phulon ki raat phulon ki aap kaa saath saath phulon kaa aap ki baat baat phulon ki nazrein milti hain jaam milte hain mil rahi hai hayaat phulon ki kaun detaa hai jaan phulon par kaun kartaa hai baat phulon ki vo sharaafat to dil ke saath gai luT gai kaaenaat phulon ki ab kise hai dimaagh-e-tohmat-e-ishq kaun suntaa hai baat phulon ki mere dil mein surur-e-subh-e-bahaar teri aankhon mein raat phulon ki phuul khilte raheinge duniyaa mein roz niklegi baat phulon ki ye mahakti hui ghazal 'makhdum' jaise sahraa mein raat phulon ki"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"kal shab dil-e-aavaara ko siine se nikaalaa ye aakhiri kaafir bhi madine se nikaalaa ye fauj nikalti thi kahaan khaana-e-dil se yaadon ko nihaayat hi qarine se nikaalaa main khuun bahaa kar bhi huaa baagh mein rusvaa us gul ne magar kaam pasine se nikaalaa Thahre hain zar-o-sim ke haqdaar tamaashaai aur maar-e-siyah ham ne dafine se nikaalaa ye soch ke saahil pe safar khatm na ho jaae baahar na kabhi paanv safine se nikaalaa"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"