vo hasin log the mukarte rahe — Abdullah Zreem

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"dast-e-taa’zir chumne vaale ham hain zanjir chumne vaale ye haqiqat-pasand thoDi hain teri tasvir chumne vaale rah gayaa khel shaahzaadi kaa mar gae tiir chumne vaale yuun dikhaate hain husn qaatil kaa nok-e-shamshir chumne vaale tere khat ko shifaa samajhte hain teri tahrir chumne vaale sirf baatein hi kar sakaa raanjhaa le gae hiir chumne vaale kyon karein jurat-e-shikaayat bhi dast-e-taqdir chumne vaale us ke maathe ko chumte hain 'zarim' maah-e-tanvir chumne vaale"

"vo mujh se duur haTti jaa rahi hai diye ki lau simaTti jaa rahi hai main khush huun aur meri zindagi ab bahut tezi se ghaTti jaa rahi hai sadaaein aasmaan tak yuun na pahunchein zamin jaise lipaTti jaa rahi hai hamaare khvaab puure ho rahe hain hamaari niind ghaTti jaa rahi hai hamaare darmiyaan thi yaad ki Dor jo ik jaanib se kaTti jaa rahi hai"

"vo ba-hosh-o-havaas Duub gae jo kinaaron ke paas Duub gae zahr-aalud jhiil thi jis mein raat ham be-libaas Duub gae tairte phir rahe hain nau-maulud aur tufaan-shanaas Duub gae kyaa Thahartaa hai bahr-e-ghaflat par mere khaali gilaas Duub gae zindagi ke jue mein kuchh bhi nahin jo tire sau pachaas Duub gae"

"paDaa hai hijr to aise hi ji lubhaate hain ab us ke jaadu badan ke taraane gaate hain hamein manaa bhi liyaa kar ki maan rah jaae ham aise log muravvat mein ruuTh jaate hain nami to khaak ki tah mein qiyaam karti hai ham aise hain nahin jaisaa tumhein dikhaate hain tum itni der mein majburiyaan banaa lo ki ham gae dinon ki rifaaqat uThaa ke laate hain ham us ke zehn pe ik 'arsa tak savaar rahe so baqiyaa 'umr yahi ik khushi manaate hain javaan hote hi jis ne bikharnaa hotaa hai ham aise khvaab ko apnaa lahu pilaate hain"

"jab tire vaaste ghar chhoD diyaa jaataa hai dar-ba-dar hone kaa Dar chhoD diyaa jaataa hai aakhir-e-kaar kahalvaate hain tere bekaar zindagi bhar kaa hunar chhoD diyaa jaataa hai ham to vo hain ki jinhein misl tamannaa-e-ziyaan dekh kar ek nazar chhoD diyaa jaataa hai vaa'da-e-ham-safari kaun nibhaa saktaa hai haan sar-e-raahguzar chhoD diyaa jaataa hai main vahaan khud hi pahunch jaataa huun pahle se 'zarim' mere jaison ko jidhar chhoD diyaa jaataa hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"