vo pareshaani sar-e-dasht-e-adam hai ham ko — Ehsanul Haq Mazhar

"jo thakaavaT pe mabni niind nahin main samajhtaa huun achchhi niind nahin aadhi basti ko jaagnaa hogaa jitni aankhein hain utni niind nahin maut se kyuun Daraa rahe ho mujhe ye koi meri pahli niind nahin aankhein achchhi hain is sitaare par is sitaare pe achchhi niind nahin ek din us ne kah diyaa mujh se main tumhaari huun meri niind nahin us ke chehre ko paDh ke sotaa huun mujh se achchhi kisi ki niind nahin khvaab kitne hi dekhne hain abhi aur aankhon mein ratti niind nahin"

"tum abas DhunDhte phirte ho kahaan rasta thaa ham ne divaar uThaa di hai jahaan rasta thaa bas yahi soch ke jangal ki taraf aa nikle saahib-e-khvaab bataataa hai yahaan rasta thaa ham hi taqlid-paraston se alag the varna jis jagah bhiiD thi logon ki vahaan rasta thaa main tire shahr-e-tasavvur se abhi lauTaa huun peD sarsabz the khushbu thi javaan rasta thaa karbalaa jaate hue raah se lauT aayaa huun buzdili dekh miri nauha-kunaan rasta thaa"

"khumaar-e-qurb mein is baat kaa khayaal na thaa hamaare zehn mein kuchh aur thaa visaal na thaa tiri judaai mein mahtaab dekhte ham kyaa hamaaraa masala tu thaa tiraa jamaal na thaa phir ek din use sab log dekhne pahunche palaT ke aae to lab par koi savaal na thaa kamaal ye hai tire hijr mein salaamat huun tire firaaq mein marnaa koi kamaal na thaa ghamon ke vahm mein guzri hai zindagi saari malaal karte rahe go koi malaal na thaa jo teraa haal hai is se to saaf lagtaa hai hamaare baad kisi ko tiraa khayaal na thaa"

"is liye tez bhaagtaa huun main apne pichhe paDaa huaa huun main ghup andhere mein raushni ki tarah us ki aankhon se gir rahaa huun main mujh ko gham to nahin judaai kaa ye muravvat mein ro rahaa huun main yaad karnaa bhi us ko chhoD diyaa aakhiri chaal chal chukaa huun main meri baatein mazaaq mein mat le zindagi tujh se kuchh baDaa huun main mujh se vo sulh karne vaalaa thaa aur naaraaz ho gayaa huun main dasht is baat par bahut khush hai us ke hisse mein aa gayaa huun main baatein hone lagi hain mere khilaaf yaani mahfil se jaa chukaa huun main"

"zindagi aur ghar kaa naqsha ek jaisaa ho rahaa hai kamre baDhte jaa rahe hain sahn chhoTaa ho rahaa hai gham ne ham ko aa liyaa to itni hairat kyon hai dil ko main ne pahle kah diyaa thaa apnaa pichhaa ho rahaa hai log marte jaa rahe hain do taraf se aur afsos zindagi ke naam par ye saaraa jhagDaa ho rahaa hai ishq aisaa mukhtalif bhi tajraba 'mazhar' nahin hai khvaab dekhe jaa rahe hain kaam-dhandaa ho rahaa hai"

"zaruraton ke sabab kyaa se kyaa banaane lagaa diyaa banaa ke main khud hi havaa banaane lagaa main pahle pahle banaataa rahaa khayaal kaa jism phir us ke baad to jo bhi banaa banaane lagaa main is khayaal mein gum thaa ki kho gayaa huun kahin ki dast-e-ghaib koi raasta banaane lagaa mujhe lagaa ki ye duniyaa nai nahin banti so ehtimaam se misra nayaa banaane lagaa hamaaraa us kaa taalluq misaali hotaa thaa phir ek faasla is mein jagah banaane lagaa"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"choT par choT khaa rahaa huun main 'aadatan muskuraa rahaa huun main us ke uupar to kuchh asar hi nahin apnaa dil kyon jalaa rahaa huun main aaj tanhaai mein jo baiThe ho kyaa tumhein yaad aa rahaa huun main kaun aaegaa mujh se milne ko apnaa ghar kyon sajaa rahaa huun main aaj ji bhar ke dekh lo mujh ko ab bahut duur jaa rahaa huun main kyaa tumhein ab bhi kuchh shikaayat hai ab to sab kuchh kamaa rahaa huun main haath mein Digriyaan sajaae hue Thokarein kitni khaa rahaa huun main ab mujhe peT in se bharnaa hai ye jo khanjar banaa rahaa huun main kal koi is ko bhi na chhoDegaa ye jo paudaa lagaa rahaa huun main"

"kaaba-e-dil ko agar Dhaaiyegaa yaad rakhiye ki sazaa paaiyegaa yaad mein meri jo ghabraaiyegaa meri turbat pe chale aaiyegaa thoDi taklif sahi aane mein do ghaDi baiTh ke uTh jaaiyegaa yaad dilvaa ke vo agli baatein bhari mahfil mein na rulvaaiyegaa haal-e-dil kahiye to farmaate hain bakte bakte miraa sar khaaiyegaa yak zaraa aap ko ham dekh to lein baiThiye baiThiye phir jaaiyegaa ye 'haqir' aap se Darne kaa nahin aankhein bas ghair ko dikhlaaiyegaa"