ye ashk aankh mein kis justuju ke saath aae — Farasat Rizwi

"sard havaa hai nauhagar raat bahut guzar gai ghaur se dekh chashm-e-tar raat bahut guzar gai niind mein gum hain dasht-o-baagh bujh gae shahr ke charaagh aise mein jaaun main kidhar raat bahut guzar gai ab to simaT rahe hain saae lauT ke vo javaan na aae dil mein ajiib saa hai Dar raat bahut guzar gai guunj rahi hai duur tak apne hi qadmon ki sadaa suuni paDi hai rahguzar raat bahut guzar gai jashn-e-tarab huaa tamaam kushtaa-charaagh-o-saaz-o-jaam bikhre paDe hain farsh par raat bahut guzar gai mahfil-e-dostaan se kab uThne ko chaahtaa hai dil soch rahaa huun jaaun ghar raat bahut guzar gai jaagaa na ek shakhs bhi meri nava-e-dard se naale gae hain be-asar raat bahut guzar gai dil mein mire utar gai sahn-e-makaan ki tirgi bujh gai shama taaq par raat bahut guzar gai khauf ke saae chaar-su ai mire yaar maah-ru aaj yahin qayaam kar raat bahut guzar gai so gae ghar ke sab makin par mire intizaar mein jaag rahe hain baam-o-dar raat bahut guzar gai ghar ki munDer se gai chaand ki zard raushni duur nahin hai ab sahar raat bahut guzar gai"

"mizha pe ashk-e-alam jhilmilaae aakhir-e-shab bichhaDne vaale bahut yaad aae aakhir-e-shab vo jin ke qurb se Dhaaras thi mere dil ko bahut koi kahin se unhein DhunD laae aakhir-e-shab ye shor-e-baad-e-zamistaan ye raasta sunsaan Daraa rahe hai darakhton ke saae aakhir-e-shab havaa mein dard ki shiddat se zamzama-pairaa sunegaa kaun ye meri sadaa-e-aakhir-e-shab ravaana hone ko hai kaarvaan sitaaron kaa phir us ke baad kahaan naqsh-e-paa-e-aakhir-e-shab kidhar chali hai nigaar-e-falak kise maalum ye tasht-e-maah-o-sitaara uThaae aakhir-e-shab vo teri yaad ke mehmaan ho gae rukhsat ujaD gai mire dil ki saraae aakhir-e-shab phir us ke baad vahi dhuup hai mashaqqat ki zaraa si der ko hai khvaabnaae aakhir-e-shab nasib ho saf-e-aaindagaan ko taaza sahar mire labon pe yahi hai duaa-e-aakhir-e-shab vo so gae hain jinhein jaagne ki aadat thi kise pukaar rahi hai havaa-e-aakhir-e-shab 'faraasat' ab hui mahfil tamaam ghar ko chalo sarak rahi hai falak par ridaa-e-aakhir-e-shab"

"ham ne dil us ke taiin nazr guzaaraa apnaa us ne samjhaa na sar-e-bazm ishaaraa apnaa kyaa pukaarun ki sadaa bhi na vahaan jaaegi jaane kis des gayaa yaar vo pyaaraa apnaa le gayaa duur use khvaab-e-adam kaa afsun niind se phir na uThaa anjuman-aaraa apnaa umr ke saath judaa hote chale jaaeinge yaar kam nahin hogaa kisi taur khasaaraa apnaa lauT kar aae to basti hai na taalaab na baagh ham yahin chhoD gae the vo nazaaraa apnaa shaam hote hi bhaTakte the use dekhne ko usi taarik gali mein thaa sitaaraa apnaa gham hue aise ki aataa hi nahin koi javaab naam le le ke bahut ham ne pukaaraa apnaa ye jo galiyaan hain mire shahr ki hain meri rafiq unhi galiyon mein bahut vaqt guzaaraa apnaa ham vo bimaar-e-anaa hain ki hue jis se khafaa us ko chehra bhi dikhaayaa na dobaaraa apnaa baarhaa pesh huaa khilat-e-shaahi ham ko ham ne malbus-e-gadaai na utaaraa apnaa kyaa khabar ban gai kis tarah ghazal ki surat ham ne to dard hi kaaghaz pe utaaraa apnaa yaa-ali kahne se haT jaate hain raste se pahaaD ik yahi naam hai mushkil mein sahaaraa apnaa"

"kisi ko kab vo apne dil kaa kuchh ahvaal detaa hai main us se baat kartaa huun vo mujh ko Taal detaa hai koi to hai jo is hairat-saraa-e-nur-o-zulmat mein sitaare ko ziyaa aaine ko timsaal detaa hai bahut inkaar kartaa hai savaal-e-vasl par lekin khafaa ho jaaun to gardan mein baanhein Daal detaa hai koi chehron kaa saudaagar chhupaa hai is kharaabe mein puraani suratein le kar nai ashkaal detaa hai main jis lamhe guzarte vaqt ko mahsus kartaa huun vo ik lamha 'faraasat' ranj-e-maah-o-saal detaa hai"

"naqd-e-jaan ki mire saughaat abhi baaqi hai shab-e-hijraan ki mudaaraat abhi baaqi hai dhuup mein tark-e-maraasim ki jhulasne vaale aakhiri shaam-e-mulaaqaat abhi baaqi hai khaaliq-e-kaun-o-makaan ham se nahin hai naaraaz gardish-e-arz-o-samaavaat abhi baaqi hai vaqt ki dhuup mein khoe mire nashshe kitne ik tiri chashm-e-kharaabaat abhi baaqi hai roz-e-avval se ajal khel rahi hai shatranj mujh ko shah ho bhi chuki maat abhi baaqi hai chaandni par hai tumhein rang-e-sahar kaa dhokaa gul na kar denaa diye raat abhi baaqi hai har ghazal ki mujhe takmil pe mahsus huaa dil mein kahne ko koi baat abhi baaqi hai"

"malbus-e-ghubaar yaad rakhnaa ye raahguzaar yaad rakhnaa ik shaam-e-khizaan yahin kahin hai ai subh-e-bahaar yaad rakhnaa ham kashti-e-ishq ke musaafir utre nahin paar yaad rakhnaa ai zakhma-varaan-e-barbat-e-dil TuuTe hue taar yaad rakhnaa patjhaD ki havaaein chikhti hain kyaa saut-e-hazaar yaad rakhnaa ham jaate hain baar-e-gham uThaae ai shahr-e-nigaar yaad rakhnaa ibrat kaa maqaam hai ye duniyaa viraan dayaar yaad rakhnaa ai vaadi-e-gul ko jaane vaale raston ke ye khaar yaad rakhnaa milti hai ghamon se bhi basirat zakhmon kaa shumaar yaad rakhnaa bachpan ke makaan kaa nakhl-e-hamraaz ye haar singhaar yaad rakhnaa ye harf hai raushni-e-fardaa harf sar-e-daar yaad rakhnaa shaayad main ye khvaab bhuul jaaun tum ai mire yaar yaad rakhnaa"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"kabhi hasin koi haadisa huaa hi nahin tamaam umr kaTi vo miraa huaa hi nahin sukun kyaa hai khushi kyaa hai chain kyaa shai hai main kyaa bataaun mujhe tajraba huaa hi nahin jise yaqin thaa vo aasmaan ko chhu aayaa jise ghurur thaa vo to baDaa huaa hi nahin na jaane kaun si us mein kami rahi hogi koi bhi shakhs kabhi devtaa huaa hi nahin kahaa thaa main ne ki ik roz aap badleinge ye aur baat ki meraa kahaa huaa hi nahin"

"subh-e-nau laati hai har shaam tumhein kyaa maalum zakhm khushiyon ke hain paighaam tumhein kyaa maalum bhuul kar bhi jo kisi bazm mein aayaa na gayaa sainkaDon us pe hain ilzaam tumhein kyaa maalum log gulshan mein to chalte hain sar-afraazi se un mein kitne hain tah-e-daam tumhein kyaa maalum kuchh andhere bhi khataavaar-e-tabaahi hain magar raushni par bhi hai ilzaam tumhein kyaa maalum jis ko tum DhunDte ho sham-e-rukh-e-naaz liye vo to arse se hai gumnaam tumhein kyaa maalum jo rukh-e-zist pe thaa harf-e-ghalat ki maanind mil rahaa hai use inaam tumhein kyaa maalum jo kafan baandh ke chalte hain vafaa ki rah mein zindagi kar chuke nilaam tumhein kyaa maalum surkh-ru kaun huaa kucha-e-jaanaan mein kabhi naamvar bhi hue badnaam tumhein kyaa maalum do qadam bhi na chale raah-e-vafaa mein ham log hai abhi zauq-e-talab khaam tumhein kyaa maalum jo jalaa raat ki tanhaai mein us par bhi 'khayaal' bevafaai kaa hai ilzaam tumhein kyaa maalum"

"pata kaise chale duniyaa ko qasr-e-dil ke jalne kaa dhuein ko raasta miltaa nahin baahar nikalne kaa bataa phulon ki masnad se utar ke tujh pe kyaa guzri miraa kyaa main to aadi ho gayaa kaanTon pe chalne kaa mire ghar se ziyaada duur sahraa bhi nahin lekin udaasi naam hi leti nahin baahar nikalne kaa chaDhegaa zahr khushbu kaa use aahista aahista kabhi bhugtegaa vo khamyaaza phulon ko masalne kaa musalsal jaagne ke baad khvaahish ruuTh jaati hai chalan sikhaa hai bachche ki tarah us ne machalne kaa zar-e-dil le ke pahunchaa thaa mataa-e-jaan bhi kho baiThaa diyaa us ne na mauqaa bhi kaf-e-afsos milne kaa khushi se kaun kartaa hai ghamon ki parvarish 'saajid' kise hai shauq logo dard ke saanche mein Dhalne kaa"