zamin meri rahegi na aaina meraa — Ghulam Husain Sajid

"kabhi charaagh kabhi raasta badal kar dekh bahut qarib hai manzil zaraa saa chal kar dekh tire hisaar se baahar nahin zamaan-o-makaan tu meri tarah kisi aaine mein Dhal kar dekh faqir ban ke vo aayaa hai teri chaukhaT par ye koi aur nahin hai zaraa sambhal kar dekh nigaar-khaana-e-gardun ko raakh karte hue zaraa si der kisi taaqche mein jal kar dekh zamin tang hui jaa rahi hai logon par hudud-e-qarya-e-jaan se kabhi nikal kar dekh ravaan-davaan hain kisi samt mein ki saakit hain phir ek baar sitaaron ki aankh mal kar dekh ajiib lutf hai tark-e-nashaat mein 'saajid' jo ho sake to miri baat par amal kar dekh"

"dayaar-e-khvaab ko niklungaa sar uThaa kar main ki shaad rahtaa huun ranj-e-safar uThaa kar main charaagh jal na sakegaa jo us ki aankhon mein dharungaa us ko kisi taaq par uThaa kar main sunaa hai takht muqaddar se haath aataa hai khajil huun raahat-e-tegh-o-sipar uThaa kar main chale jo sarv-o-saman mein bhi saath chal dungaa khaDaa rahungaa na baar-e-samar uThaa kar main tire bahisht mein dil lag nahin rahaa meraa ki saath laa nahin paayaa huun ghar uThaa kar main ulajh rahaa ho agar ghair ki nigaahon se lapeT letaa huun taar-e-nazar uThaa kar main alag nahin huun main apni tarah ke logon se paDaa huun zahmat-e-divaar-o-dar uThaa kar main nahin sunungaa nasihat kisi siyaane ki rahungaa tohmat-e-nau-e-bashar uThaa kar main yaqin kaise nahin aaegaa unhein mujh par vafaa mein fard huun khauf-o-khatar uThaa kar main kahin visaal ki surat agar dikhaai di nikal paDungaa na sham-e-sahar uThaa kar main kisi pari ke tasavvur mein chuum letaa huun kisi gulaab ko baar-e-digar uThaa kar main bahut hain chaahne vaale mire jahaan-bhar mein girafta dil nahin baar-e-hunar uThaa kar main makaan chhoD to duun us hasin ke kahne par gali mein laaungaa kyaa kyaa magar uThaa kar main mujhe vo taish dilaate rahe agar 'saajid' to gundh dungaa ye saaraa nagar uThaa kar main"

"miri subh-e-khvaab ke shahr par yahi ik javaaz hai jabr kaa ki mire vajud ke baagh mein abhi koi phuul hai sabr kaa kisi baadbaan ki oT mein kahin aasmaan ke saamne ye ziyaa hai mishal-e-khvaab ki ki koi charaagh hai abr kaa kisi subh khvaahish-e-marg se bhi numud paati hai zindagi kisi shaam apne vajud par bhi gumaan hotaa hai qabr kaa miri sham-e-nur ke us taraf miri khaak-e-sabz ke is taraf ye nai zamin hai jabr ki ye nayaa gulaab hai sabr kaa mire aaine se judaa huaa jo charaagh-e-hijr to ye khulaa chaman-e-sitaara-o-rang mein bhi kahin qayaam hai abr kaa"

"honTon par hai baat kaDi taazirein bhi khaamoshi kaa rang huiin taqrirein bhi khauf yahi hai aane vaali naslon ko ek ajuba hongi ye tahrirein bhi mausam ke sau ruup magar in aankhon mein khvaab vahi hain khvaabon ki taabirein bhi aainda ke saans hamaare apne hain TuuT chukin is vaade ki zanjirein bhi ek ajab hairat mein gum-sum rahti hain divaarein divaaron par tasvirein bhi paani ki khaamosh sadaaein kaun sune khatm huiin jab miTTi ki taasirein bhi"

"aaine mein aks khiltaa hai gul-e-hairat nahin log sach kahte hain aankhon si koi neamat nahin ab bahar-surat sar-e-maidaan utarnaa hai mujhe kaar-zaar-e-ishq se paspaai ki surat nahin us ke hone se hui hai apne hone ki khabar koi dushman se ziyaada laaeq-e-izzat nahin sair karnaa chaahtaa huun main jahaan-aabaad ki aur ruk kar dekh lene ki mujhe fursat nahin ishq par faaez huun auron ki tarah lekin mujhe vasl kaa lapkaa nahin hai hijr se vahshat nahin raat vo aansu bahaae hain ki mere qalb par subh kaa aaghosh vaa karnaa miri ujrat nahin jis qadar mahmez kartaa huun main 'saajid' vaqt ko us qadar be-sabr rahne ki use aadat nahin"

"ridaa-e-raahat-e-kaun-o-makaan oDh ke dekh zamin oDh ke dekh aasmaan oDh ke dekh tilism TuuT chukaa jab charaagh-e-zulmat kaa kabhi sabaahat-e-naam-o-nishaan oDh ke dekh paDaa rahegaa kahaan tak tu apne tarkash mein khadang-e-jasta agar hai kamaan oDh ke dekh qarib aa hi gayaa hai agar vo abr-e-karam safar mein aaj yahi saaebaan oDh ke dekh havaa-e-shahr haqiqat mein saans lete hue nigaar-khaana-e-vahm-o-gumaan oDh ke dekh phir ek baar kisi jang par nikalte hue fazaa-e-qarya-e-amn-o-amaan oDh ke dekh nayaa libaas pahanne kaa vaqt hai 'saajid' shikoh oDh ke dekh aan-baan oDh ke dekh"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"