zarra zarra pighalne vaalaa thaa — Balbir Rathi

"'ataa kar di kisi ne vo balaa ki tishnagi mujh ko na raas aaegi shaayad zindagi-bhar zindagi mujh ko miri ye bebasi to khair kuchh aisi nahin hamdam magar jiine nahin degi tiri bechaargi mujh ko bhalaa main rutba-e-divaangi kaa mustahiq kab thaa kisi ke pyaar ne de di yunhi divaangi mujh ko koi manzil bhi ho vo meri manzil ho nahin sakti azal se hi mili hai be-sabab aavaargi mujh ko mujhe to zindagi mein baarhaa mahsus hotaa hai mire maa'sum khvaabon ne hi di hai naghmagi mujh ko"

"kisi bhi khvaab mein jab dilkashi baaqi nahin rahti to phir jazbaat mein vo baat hi baaqi nahin rahti guzar to ho hi jaati hai sanbhal kar chalne vaalon ki magar phir zindagi mein zindagi baaqi nahin rahti tumhein achchhi nahin lagtin miri be-baakiyaan lekin takalluf mein bhi aksar dosti baaqi nahin rahti javaani mein bhalaa kaise karein ham hosh ki baatein ki aisi be-khudi mein aagahi baaqi nahin rahti haTaao saaghar-o-minaa nahin mai ki talab mujh ko hasin aankhon se pi kar tishnagi baaqi nahin rahti"

"hamein saath mil to gayaa thaa kisi kaa magar mukhtasar thaa safar zindagi kaa kahaan aa gae ham bhaTakte bhaTakte yahaan to nishaan tak nahin raushni kaa tamaddun ki ye kaunsi manzilein hain ki dushman huaa aadmi aadmi kaa vafaa ek muddat hui miT chuki hai kahaan naam lete ho ab dosti kaa agar saath hote vo in raaston par to kyaa haal hotaa miri aagahi kaa mire haal par muskuraa kar gae hain chalo haq adaa ho gayaa dosti kaa"

"phir fazaa mein koi zahrilaa dhuaan bhar jaaegaa phir kisi din apne andar kuchh na kuchh mar jaaegaa phailtaa jaataa hai ye jo har-taraf ik shor saa ek sannaaTaa kisi dahliz par dhar jaaegaa yuun rahaa to saare manzar bad-numaa ho jaaeinge ik bhayaanak rang har tasvir mein bhar jaaegaa kar rahaa hai apni basti mein jo khushiyon ki talaash koi tikhaa dard apne saath le kar jaaegaa yuun achaanak bhi huaa kartaa hai koi haadisa mujh ko kyaa maalum thaa vo is tarah mar jaaegaa chhaa gai nafrat ki gahri dhund itni duur tak pyaar kaa suraj vahaan tak kaun le kar jaaegaa raah-rau ab tak khaDe hain raah mein is aas par koi aaegaa idhar aur kuchh na kuchh kar jaaegaa"

"shahr badlaa huaa saa lagtaa hai har koi uupraa saa lagtaa hai mujh ko aksar khud apne andar hi kuchh bhaTaktaa huaa saa lagtaa hai jaane kyaa baat hai ki ghar mujh ko roz girtaa huaa saa lagtaa hai mujh ko har shakhs apni basti kaa khud se ruThaa huaa saa lagtaa hai dard se yuun najaat kab hogi vaqt Thahraa huaa saa lagtaa hai zakhm khaae hue zamaana huaa dard ab tak nayaa saa lagtaa hai daastaanein hain khuub sab ki magar apnaa qissa judaa saa lagtaa hai"

"abhi tak talkhi-e-mai mein kami maa'lum hoti hai labon par ik balaa ki tishnagi maa'lum hoti hai tasavvur mein tumhaari muskuraahaT rach gai shaayad mujhe har shai masarrat se bhari maa'lum hoti hai sunaa hai zindagi mein kashmakash se log Darte hain mujhe to kashmakash hi zindagi maa'lum hoti hai miri maa'sumiyat to dekh lo fart-e-mohabbat mein tumhaari be-rukhi bhi dil-lagi maa'lum hoti hai khulus-e-dil se kyaa jazba numaayaan kar diyaa tum ne ki har surat mujhe kuchh ajnabi maa'lum hoti hai kisi ki dosti mein dushmani ki bu to kyaa aae mujhe to dushmani bhi dosti maa'lum hoti hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"