Ghazal

"na shohrat hai na rusvaai mire pichhe magar hai meri tanhaai mire pichhe sipaahi mere lashkar mein bahut kam hain hazaaron hain tamaashaai mire pichhe main tanhaa thaa magar jab aaina dekhaa tiri surat nazar aai mire pichhe mahak aane lagi pardes mein us ki chali kuchh aisi purvaai mire pichhe koi khush ho gayaa mujh se alag ho kar kisi ki aankh bhar aai mire pichhe"

"yuun dabe paanv yaad aati hai le ke dil kaa qaraar jaati hai main ne pardes jaa ke dekh liyaa teri khushbu vahaan bhi aati hai ab to mujh ko miri chhaTi his bhi teraa ehsaas hi karaati hai mere hamdard ko bhi le Duubo mauj-e-gham ab kise Daraati hai jis qadar ho sake kamaa neki ye bure vaqt kaam aati hai chaahe kitni dabang ho 'baadal' naav kaaghaz ki Duub jaati hai"

"zulm bhi Dhaaeinge tumhaare khayaal raas bhi aaeinge tumhaare khayaal gungunaaegi meri tanhaai saaz ban jaaeinge tumhaare khayaal mere hamraah tum bhi ho jaise duur tak jaaeinge tumhaare khayaal mere dil ki kitaab mat paDhnaa Dagmagaa jaaeinge tumhaare khayaal jab bhi kuchh kaam karne baiThungaa mujh ko bhaTkaaeinge tumhaare khayaal jab unhein ham rakheinge taaza-dam kaise dhundlaaeinge tumhaare khayaal jaise chaDh jaataa hai nasha 'baadal' zehn par chhaaeinge tumhaare khayaal"

"akele ko bhi aati hai hansi kyaa kisi ki yaad ne ki gudgudi kyaa nazar aane lage har haal mein tum hamein ab kyaa andheraa raushni kyaa ye kam-kam raabta bhi khatm samjhun yahi hai aap kaa khat aakhiri kyaa bane jab tak na saanson kaa tavaazun nachaaun ungliyon par baansuri kyaa vakaalat teraa pesha hai to 'baadal' karegaa jhuuT ki bhi pairvi kyaa"

"kuchh rishton mein baT jaataa hai teraa pyaar bhi ghaT jaataa hai bhaanp ke chaadar ki kotaahi tan bhi meraa simaT jaataa hai log bhulaa dete hain us ko jo manzar se kaT jaataa hai miTTi ki shah paa kar paudaa gamle mein bhi DaT jaataa hai tum se milne aa jaataa huun jab ji meraa uchaT jaataa hai totaa bhi panDit ke ghar kaa ik do mantar raT jaataa hai baansuri bante bante baadal baans kaa siina phaT jaataa hai"

"ban mein rain baseraa hotaa main jaagaa tu soyaa hotaa meraa haat aur us kaa daaman kaash kisi din aisaa hotaa tu gadde ki raani banti main bhangDe kaa raajaa hotaa tere chehre ke darpan mein aks miri chaahat kaa hotaa sakht sazaa dene se pahle sach kyaa hai samjhaayaa hotaa ghar mein tu daftar ki uljhan saath na apne laayaa hotaa un ke saat kabhi to 'baadal' ik thaali mein khaayaa hotaa"

"un ke adnaa ghulaam ho kar bhi ham rahe khaas aam ho kar bhi bevafaai na ki samundar se mauj ne be-lagaam ho kar bhi dil ki duniyaa na kar sake raushan aap maah-e-tamaam ho kar bhi kaise raavan kaa kaam kar baiThe naam ke aap raam ho kar bhi ham nahin tere pyaar ke laaeq qaabil-e-ehtiraam ho kar bhi pyaar karne ki bhuul kar baiThaa shakhs vo nek naam ho kar bhi pyaasi pyaasi hi rah gai 'baadal' zindagi nazr-e-jaam ho kar bhi"

"tum mile to hui ajiib si baat dost karne lage raqib si baat niind aae to makhmali ehsaas varna bistar mein hai salib si baat falsafa zindagi kaa mat puchho main kahungaa baDi ajiib si baat tum yahaan dost se mukhaatab ho mat karo shaair-o-adib si baat puchh mat un ke saamne 'baadal' mere dil mein hai kyaa ajiib si baat"

"duur hi se nihaar leinge ham tum ko sharminda kyaa kareinge ham sufiyon ki tarah jiyeinge ham dard mein raqs bhi kareinge ham muskuraa kar karo hamein rukhsat tum bhi roe to kyaa kareinge ham de ke jaate ho zindagi ki duaa kyaa tumhaare binaa jiyeinge ham apne ghar mein bhale laDein jhagDein ek hi chhat tale raheinge ham pahle maan-baap ki karein khidmat baal-bachche bhi paal leinge ham iid kaa roz hai chalo 'baadal' aaj un se gale mileinge ham"

"us ko shaayad buri lage cigarette mat jalaa us ke saamne cigarette meraa mahbub aane vaalaa hai aur kuchh der saath de cigarette mere siine mein aag hai aisi phunk maarun to jal paDe cigarette mat baDhaao miri taraf saaghar chhin lo mere haath se cigarette meri bhi kyon kharaab ki miTTi jaate jaate bataa to de cigarette saans leti hai aakhiri 'baadal' zahr saanson mein ghol ke cigarette"