Ghazal

shahr-e-be-saut mein amaan mil jaae

koi patthar miri taraf hi aae

ik fasil-e-havaa na rang na ruup

ik khayaal-e-khudaa mujhe bahkaae

· · ·

vo bahut be-qaraar hai shaayad

us ko bhi intizaar hai shaayad

nafratein sar se paanv tak dekhein

dil mein thoDaa saa pyaar hai shaayad

· · ·

tumhaare shahr mein jaane kahaan se utraa thaa

ki un dinon bhi koi us ke dil mein bastaa thaa

main jaan-bujh ke hone ko aaya thaa nilaam

kisi ne tum ko bhi boli lagaate dekhaa thaa

· · ·

sulagti dhuup thi dasht-o-jabal the banjar the

jahaan jahaan se bhi guzre ajiib manzar the

jo maan ki kokh se nikle tiri talaash rahi

lahad nasib hui jab bhi tere khugar the

· · ·

vo bahut be-qaraar hai shaayad

us ko bhi intizaar hai shaayad

nafratein sar se paanv tak dekhin

dil mein thoDaa saa pyaar hai shaayad

· · ·

basaaein kitni bhi ham bastiyaan khalaaon mein

uThe hain khaak se rahnaa to hai saraabon mein

hamein na bor karo saahab-e-adaa kah kar

rahe hain ham to hamesha hi kaj-adaaon mein

· · ·

apne bojh se TuuT rahaa huun

main bhi kaanch kaa ik TukDaa huun

koi kahaani yaad nahin hai

raddi kaaghaz bech chukaa huun

· · ·

zindagi naqsh-e-aab hai logo

bulbula hai saraab hai logo

tum jahaan se bhi chaaho paDh Daalo

meraa chehra kitaab hai logo

· · ·

mujh se miltaa thaa vo barsaat mein jugnu ki tarah

bujh bhi jaataa thaa mire haat mein jugnu ki tarah

main ne din mein to use der talak DhunDaa thaa

vo nazar aaya mujhe raat mein jugnu ki tarah

· · ·

mol-tol karne vaalon se kyaa kahnaa

dil moti par koi khol nahin chaDhtaa

ek hi saudaagar manDi mein haath aaya

vo bhi kabaaDi kartaa raddi kaa saudaa

· · ·

chaand mein nuur sitaaron mein sharar dekhaa hai

jab bhi aankhon mein tiri aks-e-sahar dekhaa hai

kaun hai jis ne bulaayaa hai pahaaDon se mujhe

kaun thaa jis ki duaaon mein asar dekhaa hai

· · ·

kan-ankhiyon par soch parinda baiThaa thaa

main ne chehra aaine mein dekhaa thaa

lafz na jumle aur na hi koi mafhum

us ne khat likkhaa lekin kyaa likkhaa thaa

· · ·

namak nigaahon mein honTon mein zaaiqa na rahaa

unhein rijhaane kaa ab ham mein hausla na rahaa

na taak jhaank na hi chilmanein darichon par

jahaan bhi dekhiye nazron kaa raabta na rahaa

· · ·

yuun bulaane se niind kab aai

jab bhi aai hai be-talab aai

ro paDe dil dayaar ke baasi

un ke ghar mein bahaar jab aai

· · ·

shaam se pahle lauT aane ki baat karo

in logon ko Tarkhaane ki baat karo

mere liye taamir karo kyon taaj-mahal

mere liye ik kaashaane ki baat karo

· · ·

kab kisi ne ki kisi se dil ki baat

lab hilaa kar ye kahaa thaa kah di baat

ik na ik din tum ko aanaa hai magar

aaj aate main bhi kahtaa apni baat

· · ·

itnaa huaa zamin pe huvaidaa kiyaa mujhe

aur us ke baa'd bhiiD mein tanhaa kiyaa mujhe

main mo'tabar kise kahun naa-mo'tabar kise

har shakhs ne hi shahr mein sajda kiyaa mujhe

· · ·

toD di zanjir rishton ki paraae shahr mein

baat sadiyon ki na lamhon ki paraae shahr mein

ek hi shiddat ke jhonke se bikhar ke rah gai

zindagi thi kachche dhaagon ki paraae shahr mein

· · ·

tiri saada-dili kaa aaina huun

ki apnaa aap arpan kar chukaa huun

main apne jism par baarud baandhe

tumhaari raah mein kab se khaDaa huun

· · ·

jaa-ba-jaa hai naghma-khvaan

meraa dil meri zabaan

sunne vaalaa hi nahin

kyaa karun qissa bayaan

· · ·

mahshar thaa ik aan mein TuuTaa dharti par

jaane kis aaseb kaa saayaa dharti par

kaun hai jis ne tan-man dhan sab luuT liyaa

kis ne rakhaa hai paanv khudaayaa dharti par

· · ·

khushbu badan ki khaali samundar havaaon ke

kyuun chheDte hain ham ko payambar sadaaon ke

dekhi na jaae ham se pareshaan barahnagi

chunte hain apne jism mein patthar ridaaon ke

· · ·

ye kis maqaam se aakhir palaT gayaa hai tu

mire habib bataa kis jagah chhupaa hai tu

hayaat aa ke yahaan par Thaharne vaali hai

kisi ke paanv ki aahaT pe boltaa hai tu

· · ·

puraane ghaav nae dukh bhulaane baiThe hain

dukaanein lutf-o-karam ki sajaane baiThe hain

hamin ko vo bhi samajhte hain behis-o-bekaar

ki apni prem kathaaein sunaane baiThe hain

· · ·