basaaein kitni bhi ham bastiyaan khalaaon mein — Muzaffar Eraj

"vo bahut be-qaraar hai shaayad us ko bhi intizaar hai shaayad nafratein sar se paanv tak dekhein dil mein thoDaa saa pyaar hai shaayad kar ke tai marhale udaas thaa vo jeb mein us ki haar hai shaayad zindagi aakhiri Thikaane par qaabil-e-e'tibaar hai shaayad gham bhi phal-phultaa hai aae din shajar-e-saaya-daar hai shaayad mere rone pe koi baat na ki aaj vo sogvaar hai shaayad guftugu mein na mujh se jiit sakaa is liye sharmsaar hai shaayad jis ko dekhun vo girtaa paDtaa hai har taraf intishaar hai shaayad kaj-kulaahi tumhaari 'iraj' ji baais-e-iftikhaar hai shaayad"

"tumhaare shahr mein jaane kahaan se utraa thaa ki un dinon bhi koi us ke dil mein bastaa thaa main jaan-bujh ke hone ko aaya thaa nilaam kisi ne tum ko bhi boli lagaate dekhaa thaa ye haadisa thaa ki imaan main bhi le aaya ye saaneha hai ki main ne tumhin ko puujaa thaa churaa ke le gayaa meraa sukun meraa qaraar vo barson saath mire ghar mein mere rahtaa thaa balaa se chhin ke le jaae zindagi meri main mutmain huun ki meraa bhi koi apnaa thaa main is tarah se bikaa yuun luTaa phir aisaa huaa vo apni totaa kahaani sunaane aaya thaa use sadaa hi rahaa zo'm paarsaai kaa agarche us ko darindon ne roz nochaa thaa main apni be-sar-o-saamaaniyaan chhapaaun kyaa vo ham-safar thaa miraa jis ne mujh ko luuTaa thaa zabaan se zakhm lagaane se baaz aa 'iraj' ye zakhm maanaa tujhe baar baar lagtaa thaa"

"sulagti dhuup thi dasht-o-jabal the banjar the jahaan jahaan se bhi guzre ajiib manzar the jo maan ki kokh se nikle tiri talaash rahi lahad nasib hui jab bhi tere khugar the badal chuki hai achaanak haraarat-e-arzi javaalaa phuuT rahe hain jahaan samundar the saraab jaise guzaari hai zindagi ham ne ki duur hi se lubhaane mein ham hunar-var the na but taraashe na puuje na toD Daale magar kisi bhi shahr mein aae ba-shakl-e-aazar the hamaari maut se pahle hi kitne logon ne hamaare baare mein likkhaa thaa ham gadaagar the main jin ke biich mein leTaa thaa be-his-o-harakat luTe-piTe the musaafir kaTe hue sar the vo din ki maan ki du'aaein panaah thiin 'iraj' kanval the raat ki raani the ham gul-e-tar the"

"vo bahut be-qaraar hai shaayad us ko bhi intizaar hai shaayad nafratein sar se paanv tak dekhin dil mein thoDaa saa pyaar hai shaayad kar ke tai marhale udaas thaa vo jiit mein us ki haar hai shaayad zindagi aakhiri Thikaane par qaabil-e-e'tibaar hai shaayad gham bhi phal phultaa hai aae din shajar-e-saaya-daar hai shaayad mere rone pe koi baat na ki aaj vo sogvaar hai shaayad guftugu mein na mujh se jiit sakaa is liye sharmsaar hai shaayad jis ko dekhun vo girtaa paDtaa hai har taraf intishaar hai shaayad kaj-kulaahi tumhaari 'iraj' ji baais-e-iftikhaar hai shaayad"

"apne bojh se TuuT rahaa huun main bhi kaanch kaa ik TukDaa huun koi kahaani yaad nahin hai raddi kaaghaz bech chukaa huun ziist ne apne par phailaae ret ke sahraaon mein khaDaa huun apni baat kahun to kyunkar un ki baaton mein uljhaa huun sab miTTi ke saudaagar hain jin ke bhi haathon mein bikaa huun mujh se tark-e-taalluq kar lo main andar se TuuT chukaa huun tum hi becho tum hi kharido sud-o-ziyaan se laa-parvaa huun laakh sanvaaro laakh bigaaDo vaisaa rahungaa main jaisaa huun nuqta ek huun 'iraj' lekin samton hi samton mein baTaa huun"

"shahr-e-be-saut mein amaan mil jaae koi patthar miri taraf hi aae ik fasil-e-havaa na rang na ruup ik khayaal-e-khudaa mujhe bahkaae meraa chehra utaarne vaalo meri surat kise kise bahlaae niilaa piilaa ghubaar tanhaa peD mere aangan mein chaand bhi ghabraae khiDkiyaan apne jism ki kholo kyaa ajab dhuup shaam tak aa jaae yakh-zada munjamid kohar-aalud kaun chaTTaan se phisalne paae muztarib raat chashm-e-nam 'iraj' phuul shabnam ko bhi lahu rulvaae"

"aap ki is adaa kaa kyaa kahnaa ghar jalaa kar vahin khaDe rahnaa chaand suraj havaa sabhi chup the phir achaanak se yuun havaa bahnaa kyaa hi shringaar tu karegi ab saadgi hai tiraa kharaa gahnaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"haalat-e-haal mein aadaab nahin bhultaa main khud ko bhulun bhi to ahbaab nahin bhultaa main main abhi ishq nahin haalat-e-imaan mein huun jang karte hue asbaab nahin bhultaa main jazb karti hui khilqat se mohabbat hai mujhe chaand ko chhoDiye taalaab nahin bhultaa main ai mujhe khvaab dikhaate hue logo sun lo meraa dukh ye hai koi khvaab nahin bhultaa main paarsaai nahin tanhaai mayassar thi vahaan so tire mimbar-o-mehraab nahin bhultaa main"

"chaand par yuun kaale baadal dekh kar achchhaa lagaa ik nazar dekhaa jo us ko umr bhar achchhaa lagaa misl-e-majnun reg-zaaron kaa safar achchhaa lagaa teri khaatir jiiti baazi haar kar achchhaa lagaa hanste hanste jaan le li jaan ne ik din miri jaan luTaa di main ne jis dam jaan par achchhaa lagaa teri yaadon ke sahaare ji rahaa huun aaj bhi guzre jo hamraah tere vo safar achchhaa lagaa apni qismat par karun main rashk jitnaa kam hai vo kyaa bataaun tum se mil kar kis qadar achchhaa lagaa unche mahlon ki rihaaish ho mubaarak aap ko mujh ko apne gaanv kaa miTTi kaa ghar achchhaa lagaa mujh ko apni mehnaton par hai yaqin aur naaz bhi khuun pasine se milaa hai jo samar achchhaa lagaa daad-o-tahsin ki tamanna ki nahin tu ne kabhi dekh kar 'saarim' tumhaaraa ye jigar achchhaa lagaa"