kucha mein jo us shokh-hasin ke na raheinge — Hatim Ali Mehr

"dil le gai vo zulf-e-rasaa kaam kar gai kaaba ko Dah gai ye balaa kaam kar gai aayaa na yaar maut miraa kaam kar gai naakaam hi rahaa main qazaa kaam kar gai zaahid ne bhi namaaz ko apni qazaa kiyaa vallaah un buton ki adaa kaam kar gai us ki gali mein khaak hamaari na le chale apnaa kabhi na baad-e-sabaa kaam kar gai zaahid ki aankh mein to barahman ke dil mein hai tasvir-e-but bhi naam-e-khudaa kaam kar gai bimaar-e-ishq ko hui sehat visaal se ai jaalinus ik ye davaa kaam kar gai naale se apne aah-e-rasaa raat baDh gai neze se barchhi aur sivaa kaam kar gai vo ab to chheD chheD ke dete hain gaaliyaan shukr-e-khudaa ki apni duaa kaam kar gai shikva nahin hai kuchh malak-ul-maut se mujhe ik rashk-e-hur aa ke miraa kaam kar gai lailaa ko ho gayaa tiri fariyaad kaa gumaan ai qais zang ki bhi sadaa kaam kar gai chhanvaai khaak 'mehr'-e-falak-baargaah ko chhoTi si ek chiiz baDaa kaam kar gai"

"us rashk-e-qamar ki hamein aai jo nazar naaf ham samjhe ki hai ik girah-e-mu-e-kamar naaf kurte kaa garebaan garebaan-e-sahar hai goraa shikam un kaa hai sahar najm-e-sahar naaf kis darja badan ki tiri rangat hai sunahri sone kaa varaq peT hai to bo tah-e-zar-e-naaf pistaan hain habaab aur shikam bahr-e-lataafat maujein hain baTin peT ki dariyaa kaa bhanvar naaf vo aaina vo baal hai vo chhaalaa hai us kaa hairat mein huun main dekh ke bas peT kamar naaf ho gor-e-gaDhaa kucha-e-jaanaan mein hamaaraa ham mar gae hain dekh ke bas ek nazar naaf har uzv bhaDakne mein hai ai 'mehr' saqanqur jaali ki vo karti to hai jaal aur bhanvar naaf"

"is daur mein har ik tah-e-charkh-e-kuhan luTaa auron kaa zar luTaa miraa naqd-e-sukhan luTaa khalvat-nashin ho to dil-e-aashiq mein kar jagah yuun daulat-e-jamaal na ai sim-tan luTaa bulbul ko kaisi kaisi huiin aafatein nasib gulchin ke dast-e-zulm se kyaa kyaa chaman luTaa fariyaad tak khudaa se na ki ai sanam tiri main be-zabaan tire yahaan ai be-dahan luTaa nabbash ki jafaaein huiin ham pe baad-e-marg ai aasmaan zer-e-zamin bhi kafan luTaa jhonke chale havaa ke pareshaan hui vo zulf khushbu tamaam phaili hai mushk-e-khutan luTaa 'haatim' vo huun ki baad-e-fanaa dil ko duun salaah ab qabr mein bhi khaak uDaayaa kafan luTaa be-dil sukhan huun 'mehr' paDhun sinn-e-isavi auron kaa zar luTaa miraa naqd-e-sukhan luTaa"

"gul-baang thi gulon ki hamaaraa taraana thaa apnaa bhi us chaman mein kabhi aashiyaana thaa kucha mein us ke naala meraa be-kasaana thaa apnaa bhi is chaman mein kabhi aashiyaana thaa jab koi zulf mein bhi na kuchh dakhl-e-shaana thaa saudaai thaa mizaaj meraa aashiqaana thaa bulbul ko apnaa naala mauzun taraana thaa har gul bhi maail ghazal-e-aashiqaana thaa naalon mein bulbulon ki jo rang-e-taraana thaa fasl-e-bahaar thi vo gulon kaa zamaana thaa uljhaa huaa jo gesu-e-jaanaan mein shaana thaa sumbul mein ek aur nayaa shaakh-e-shaana thaa saudaaiyon ko thi tiri uljhan balaa ki raat zulf-e-dotaa kaa tul-o-tavil ik fasaana thaa jaate hain aap aur buraa haal hai miraa aati jo ab to maut ko achchhaa bahaana thaa tir-e-nigaah ki jo kamaan thi juDi hui apnaa jigar kabhi to kabhi dil nishaana thaa dariyaa-e-mai ki ghaat utaareinge ham unhein shirin kaa ju-e-shir kaa aglaa zamaana thaa apni shab-e-visaal kaa allaah-re ehtimaam shabnam ki shabnami thi falak shaamiyaana thaa kamli ko apnaa taan ke soyaa faqir mast kyaa pashm thaa amiron kaa jo shaamiyaana thaa kaaba kaa ehtiraam khudaa-saaz ho gayaa us vaqt mein kahaan ye tiraa aastaana thaa dair-o-haram mein kyaa thaa agar ham se puchhiye shaayaan-e-sajda-e-yaar tiraa aastaana thaa kunj-e-qafas mein shikva-e-sayyaad kyaa karun us kaa qusur kyaa hai meraa aab-o-daana thaa rozi huaa hai daana-e-zanjir-o-aab-e-tegh qismat kaa aashiqon ki ye hai aab-o-daana thaa lohe ke the chane tire chhinTe ghazab ke thi sayyaad khuub apne liye aab-o-daana thaa ho mujh saa andalib khush-ilhaan asir-e-daam sayyaad kaa nasib meraa aab-o-daana thaa gandum jo khuld mein to yahaan thi sharaab-e-naab ik main thaa do jagah pe miraa aab-o-daana thaa rind-e-sharaab-e-khaar rahaa main tamaam-umr angur kaa nasib mujhe aab-o-daana thaa main vo sadaf huun jis ke hai dariyaa-dili kaa shor jo hans chug rahaa hai miraa aab-o-daana thaa bulbul ke aage apni baDi baat rah gai ghuncha se to kahin teraa chhuTaa diyaa na haath rangin-khayaaliyaan dam-e-fikr-e-sukhan na thiin zeb tan-e-urus libaas-e-shahaana thaa missi kabhi mali kabhi gesu banaa kiye shab-bhar shab-e-visaal mein hila-bahaana thaa tujh se sivaa to ai sanam allaah kaa hi naam achchhaa thaa haan hasin thaa yusuf buraa na thaa yaaraan-e-raftagaan kaa nishaan khaak DhunDhiye reg-e-ravaan kaa qaafila thaa jo ravaana thaa munh dekhi un ke saamne kahte nahin hain ham apni zabaan pe vasf-e-dahan ghaaebaana thaa baad-e-bahaar jaa ke oDaa laai baagh mein kyaa ganj-e-shaaegaan zar-e-gul kaa khazaana thaa apnaa samand-e-umr jamaa jam ke uD gayaa shaayad hamaaraa raaz-e-nafas taaziyaana thaa raaz-e-nihaan kisi pe na apnaa ayaan huaa naa-aashnaa-e-gosh hamaaraa fasaana thaa pahchaaniye to khaak ke putlon ki khaak ko begaana kaun kaun saa un mein yagaana thaa us shoala-ru ki thi jo dil-e-saaf mein jagah aatish-kada ye 'mehr' kaa aaina-khaana thaa"

"puchhegaa jo vo rashk-e-qamar haal hamaaraa ai 'mehr' chamak jaaegaa iqbaal hamaaraa saude mein tiri zulf ke likhte hain jo ashaar hotaa hai siyah naama-e-aamaal hamaaraa abru kaa ishaara kiyaa tum ne to hui iid ai jaan yahi hai mah-e-shavval hamaaraa har baar dikhaataa hai junun khaana-e-zanjir is ghar mein guzaaraa huaa har saal hamaaraa aate hi vo kahte hain ki jaate hain bas ab ham be-chain hain mangvaaiye sukh-paal hamaaraa mazmun na bandhaa mu-e-kamar kaa to vo bole TeDhaa na huaa shaairon se baal hamaaraa mahtaab se kahtaa hai miraa chaand kaa TukDaa rukhsaar tiraa saaf hai yaa gaal hamaaraa tum arsh hilaate ho qadam rakh ke zamin par is chaal se dil ho gayaa paamaal hamaaraa ik pal bhi judaa dida-e-tar se nahin hotaa ab aankh kaa parda huaa rumaal hamaaraa yaan ruuh pe hotaa hai us aavaaz kaa sadma ji legaa shab-e-vasl mein ghaDiyaal hamaaraa yaan ganj-e-maaani hai to vaan sim-o-zar ai 'mehr' daulat vo bakhilon ki hai ye maal hamaaraa"

"jo mehndi kaa buTnaa malaa kijiyegaa pasine ko itr-e-hinaa kijiyegaa sitam kijiyegaa jafaa kijiyegaa yahi hogaa aur aap kyaa kijiyegaa phaDak kar nikal jaaegaa dam hamaaraa qafas se jo ham ko rihaa kijiyegaa jo kahtaa huun achchhaa nahin zulm karnaa to kahte hain vo aap kyaa kijiyegaa qayaamat mein didaar kaa kab yaqin hai yunhi lan-taraani sunaa kijiyegaa kahaa haal-e-dil to vo ye kah ke uTThe main jaataa huun baiThe bakaa kijiyegaa shahanshaah kahte hain un ke gadaa se hamaare liye bhi duaa kijiyegaa gulon kaa vahi pairahan hogaa saahab inaayat jo apni qabaa kijiyegaa kinaara bhalaa tum se ai bahr-e-khubi Dubone hi ko aashnaa kijiyegaa munajjim ne haath un ke dekhe to bolaa gulon ki qabaa ko qabaa kijiyegaa miri jaan ke muddai aap honge samaaat agar muddaaa kijiyegaa bahut naaz-parvarda hai dil hamaaraa zaraa lutf is par kiyaa kijiyegaa na divaana bante jo maalum hotaa pari ban ke ham se uDaa kijiyegaa buto barq hain dard-mandon ki aahein khudaa ke ghazab se Daraa kijiyegaa bahut faiz bakhshi kaa sunte hain shohraa hamaari bhi haajat ravaa kijiyegaa khudaa ke liye mirzaa-'mehr'-saahab buton par kahaan tak miTaa kijiyegaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"jaagte hi nazar akhbaar mein kho jaati hai zindagi dard ke ambaar mein kho jaati hai naa-khudaa aql ke patvaar uThaataa hai ki jab kashti-e-dil miri manjdhaar mein kho jaati hai be-sabab sochne vaale kabhi sochaa tu ne aagahi kasrat-e-afkaar mein kho jaati hai uDte rahte hain khayaalaat ke jugnu phir bhi baat kyuun parda-e-izhaar mein kho jaati hai us ke kaamon kaa hai rangin khushaamad pe madaar aur mehnat miri isaar mein kho jaati hai hurmat-e-parda zaruri hai 'ataa-ji' varna chiiz jaisi bhi ho baazaar mein kho jaati hai"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"