ishq kar ke bhi khul nahin paayaa — Abbas Tabish

masruf hain kuchh itne ki ham kaar-e-mohabbat
aaghaaz to kar lete hain jaari nahin rakhte

ek mohabbat aur vo bhi naakaam mohabbat
lekin is se kaam chalaayaa jaa saktaa hai

main use dekh ke lauTaa huun to kyaa dekhtaa huun
shahr kaa shahr mujhe dekhne aayaa huaa hai

ghar pahunchtaa hai koi aur hamaare jaisaa
ham tire shahr se jaate hue mar jaate hain

faqat maal-o-zar-e-divaar-o-dar achchhaa nahin lagtaa
jahaan bachche nahin hote vo ghar achchhaa nahin lagtaa

chaand-chehre mujhe achchhe to bahut lagte hain
ishq main us se karungaa jise urdu aae

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'ishq mein intihaa ki had na hui
'aashiqi teri mustanad na hui

phunkaa hai kis ne gosh-e-mohabbat mein ai khudaa
afsun-e-intizaar tamannaa kahein jise

ye pahlaa ishq hai tumhaaraa soch lo
mire liye ye raastaa nayaa nahin

ik lafz-e-mohabbat kaa adnaa ye fasaanaa hai
simTe to dil-e-aashiq phaile to zamaana hai