phir se taalif-e-dil ho phir koi — Aftab Iqbal Shamim

ishq mein ye majburi to ho jaati hai
duniyaa ghair-zaruri to ho jaati hai

ye hijratein hain zamin o zamaan se aage ki
jo jaa chukaa hai use lauT kar nahin aanaa

dil aur duniyaa donon ko khush rakhne mein
apne-aap se duuri to ho jaati hai

kyaa raat ke aashob mein vo khud se laDaa thaa
aaine ke chehre pe kharaashein si paDi hain

lamha munsif bhi hai mujrim bhi hai majburi kaa
faaeda shak kaa mujhe de ke bari kar jaae

lafzon mein khaali jaghein bhar lene se
baat adhuri, puuri to ho jaati hai

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

chaand ne taan li hai chaadar-e-abr
ab vo kapDe badal rahi hogi

main badalte hue haalaat mein Dhal jaataa huun
dekhne vaale adaakaar samajhte hain mujhe