aql har baar dikhaati thi jale haath apne — Ahmad Faraz

sunaa hai log use aankh bhar ke dekhte hain
so us ke shahr mein kuchh din Thahar ke dekhte hain

TuuTaa to huun magar abhi bikhraa nahin 'faraaz'
mere badan pe jaise shikaston kaa jaal ho

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

judaaiyaan to muqaddar hain phir bhi jaan-e-safar
kuchh aur duur zaraa saath chal ke dekhte hain

zindagi teri ataa thi so tire naam ki hai
ham ne jaise bhi basar ki tiraa ehsaan jaanaan

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

fikr-e-rasaa pe jis ki khulein aasmaan ke raaz
aisaa koi 'adil' qad-aavar nahin rahaa

is qadar Duube gunaah-e-ishq mein tere habib
sochte hain jaaeinge kis munh se tauba ki taraf

firaaq mausam ki chilmanon se visaal lamhe chamak uTheinge
udaas shaamon mein kaaghaz-e-dil pe guzre vaqton ke baab likhnaa

asaas-e-jism uThaaun nae sire se magar
ye sochtaa huun ki miTTi miri kharaab to ho