ham-safar chaahiye hujum nahin — Ahmad Faraz

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

yaad aai hai to phir TuuT ke yaad aai hai
koi guzri hui manzil koi bhuli hui dost

jo ghair the vo isi baat par hamaare hue
ki ham se dost bahut be-khabar hamaare hue

main ne dekhaa hai bahaaron mein chaman ko jalte
hai koi khvaab ki taabir bataane vaalaa

ye kaun phir se unhin raaston mein chhoD gayaa
abhi abhi to azaab-e-safar se niklaa thaa

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

dasht ki naa-tamaam raahon par
koi saathi hai to shajar tanhaa

us musaafir ki naqaahat kaa Thikaana kyaa hai
sang-e-manzil jise divaar nazar aane lage