hotaa na koi kaar-e-zamaana mire supurd — Ahmad Rizwan

ek muddat se use dekh rahaa huun 'ahmad'
aur lagtaa hai abhi ek jhalak dekhaa hai

mujhe ye kyaa paDi hai kaun meraa ham-safar hogaa
havaa ke saath gaataa huun nadi ke saath chaltaa huun

ajnabi log hain main jin mein ghiraa rahtaa huun
aashnaa koi yahaan mere fasaane kaa nahin

kisi ko chhoD detaa huun kisi ke saath chaltaa huun
main chaltaa huun to phir vaabastagi ke saath chaltaa huun

ye kaun boltaa hai mire dil ke andarun
aavaaz kis ki gunjti hai is makaan mein

kyaa baat karun jo baatein tum se karni thiin
ab un baaton kaa vaqt nahin kyaa baat karun

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

sabhi se jab mohabbat chaahte ho
mohabbat kyon nahin karte sabhi se

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

sau fasaad ek ishq mein uTThe
boyaa ik tukhm uge hazaar darakht