jaane do ek roz yahin phir ke aaegaa — Ahmad Sageer

zard mausam ne darakhton ki zabaan sil di thi
phir koi phuul hansaa aur khizaan haar gai

khudaa-yaa apne kun ki laaj rakh le
tiraa shahkaar zaae' ho rahaa hai

javaab aae na aae shikan to aaegi
savaal puchh hi lenaa agarche Darte hue

dastaras mein na rahe lafz-gari behtar hai
ham agar bol paDeinge to bahut boleinge

ajnabiyyat ki jhalak dekhi gai lahje mein
baat Darne ki hai is baat pe Dar jaaiye naa

zard chehron se udaasi ke bichhaDne kaa sabab
log puchheinge to kah denaa ki dukh haar gayaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

yaad aai hai to phir TuuT ke yaad aai hai
koi guzri hui manzil koi bhuli hui dost

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe