thaa mast baandhne mein vo tamhid-e-zakhm-e-dil — Ahmad Sageer

dastaras mein na rahe lafz-gari behtar hai
ham agar bol paDeinge to bahut boleinge

ajnabiyyat ki jhalak dekhi gai lahje mein
baat Darne ki hai is baat pe Dar jaaiye naa

khurach khurach ke tujhe zehn se miTaaungaa
main apne hosh ke naakhun zaraa baDhaa to luun

mujhe charaagh bujhaanaa paDaa thaa majburan
tumhaaraa saayaa nahin jaa rahaa thaa kyaa kartaa

qum-be-iznil-ishq se dil zinda karegaa
ye mujh se mohabbat ke masihaa ne kahaa hai

javaab aae na aae shikan to aaegi
savaal puchh hi lenaa agarche Darte hue

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ham mein baaqi nahin ab khaalid-e-jaan-baaz kaa rang
dil pe ghaalib hai faqat hafiz-e-shiraaz kaa rang

dil ki taklif kam nahin karte
ab koi shikva ham nahin karte

ashk Dhalte nahin dekhe jaate
dil pighalte nahin dekhe jaate

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa