apni hi zaat ke sahraa mein aaj — Ahmad Wasi

muddat ke baa'd aaina kal saamne paDaa
dekhi jo apni shakl to chehra utar gayaa

vo kare baat to har lafz se khushbu aae
aisi boli vahi bole jise urdu aae

thak ke yuun pichhle pahar sau gayaa meraa ehsaas
raat bhar shahr mein aavaara phiraa ho jaise

judaai kyuun dilon ko aur bhi nazdik laati hai
bichhaD kar kyuun ziyaada pyaar kaa ehsaas hotaa hai

log hairat se mujhe dekh rahe hain aise
mere chehre pe koi naam likhaa ho jaise

muddat guzar gai hai ki dil ko sukun nahin
muddat guzar gai hai kisi kaa bhalaa kiye

main baDaa ho gayaa huun magar bachpanaa
mere dil se kabhi bhi gayaa hi nahin

khamoshi meri maani-khez thi ai aarzu kitni
ki jis ne jaisaa chaahaa vaisaa afsaana banaa Daalaa

chup-chaap apni aag mein jalte raho 'faraaz'
duniyaa to arz-e-haal se be-aabru kare

hai kuchh aisi hi baat jo chup huun
varna kyaa baat kar nahin aati

hai kuchh to baat 'momin' jo chhaa gai khamoshi
kis but ko de diyaa dil kyuun but se ban gae ho

main us ko dekh ke chup thaa usi ki shaadi mein
mazaa to saaraa isi rasm ke nibaah mein thaa