ise bhi 'zafar' meri himmat hi samjho — Zafar Iqbal

yuun mohabbat se na de meri mohabbat kaa javaab
ye sazaa sakht hai thoDi si riaayat kar de

yuun bhi hotaa hai ki yak dam koi achchhaa lag jaae
baat kuchh bhi na ho aur dil mein tamaashaa lag jaae

kyaa khabar jis kaa yahaan itnaa uDaate hain mazaaq
khud hamein bhi kabhi is rang mein Dhalnaa paD jaae

apni marzi se bhi ham ne kaam kar Daale hain kuchh
lafz ko laDvaa diyaa hai beshtar maani ke saath

haath pair aap hi main maar rahaa huun filhaal
Dubte ko abhi tinke kaa sahaaraa kam hai

raaste hain khule hue saare
phir bhi ye zindagi ruki hui hai

chalo ki jazba-e-izhaar chikh mein to Dhalaa
kisi tarah ise aakhir adaa bhi honaa thaa

hausla hai to safinon ke alam lahraao
bahte dariyaa to chaleinge isi raftaar ke saath

tu samajhtaa hai gar fuzul mujhe
kar ke himmat zaraa saa bhuul mujhe

kyuun tire dard ko dein tohmat-e-viraani-e-dil
zalzalon mein to bhare shahr ujaD jaate hain

ji bahut chaahtaa hai sach bolein
kyaa karein hausla nahin hotaa

piiri mein shauq hausla-farsaa nahin rahaa
vo dil nahin rahaa vo zamaana nahin rahaa