koi patthar kaa nishaan rakh ke judaa hon ham tum — Alimullah Hali

ek aavaaz ne toDi hai khamoshi meri
DhunDhtaa huun to pas-e-saahil-e-shab kuchh bhi nahin

bikhar ke chhuT na jaaun tiri giraft se main
sambhaal kar mujhe ai mauj-e-khush-adaa le jaa

sadaaon ke jangal mein vo khaamushi hai
ki main ne har aavaaz teri suni hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

ijz-o-niyaaz apnaa apni taraf hai saaraa
is musht-e-khaak ko ham masjud jaante hain