sadaaon ke jangal mein vo khaamushi hai — Alimullah Hali

ek aavaaz ne toDi hai khamoshi meri
DhunDhtaa huun to pas-e-saahil-e-shab kuchh bhi nahin

bikhar ke chhuT na jaaun tiri giraft se main
sambhaal kar mujhe ai mauj-e-khush-adaa le jaa

koi patthar kaa nishaan rakh ke judaa hon ham tum
jaane ye peD kis aandhi mein ukhaD jaaegaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

kisi ki yaad manaane mein iid guzregi
so shahr-e-dil mein bahut duur tak udaasi hai

aisi taraqqi par to ronaa bantaa hai
jis mein dahshat-gard corona bantaa hai

aadat ke baa'd dard bhi dene lagaa mazaa
hans hans ke aah aah kiye jaa rahaa huun main