khird-mandon se kyaa puchhun ki meri ibtidaa kyaa hai — Allama Iqbal

tire ishq ki intihaa chaahtaa huun
miri saadgi dekh kyaa chaahtaa huun

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

nahin is khuli fazaa mein koi gosha-e-faraaghat
ye jahaan ajab jahaan hai na qafas na aashiyaana

nahin teraa nasheman qasr-e-sultaani ke gumbad par
tu shaahin hai baseraa kar pahaaDon ki chaTaanon mein

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

baatil se dabne vaale ai aasmaan nahin ham
sau baar kar chukaa hai tu imtihaan hamaaraa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ab sochte hain laaeinge tujh saa kahaan se ham
uThne ko uTh to aae tire aastaan se ham

mujhe ye fikr sab ki pyaas apni pyaas hai saaqi
tujhe ye zid ki khaali hai miraa paimaana barson se

arz-e-talab par us ki chup se zaahir hai inkaar magar
shaayad vo kuchh soch rahaa ho aisaa bhi ho saktaa hai

ham ne ye soch ke chheDaa thaa fasaana gul kaa
is bahaane hi tire zikr kaa pahlu nikle