mujh se bach bach ke chali hai duniyaa — Ameer Qazalbash

yakum january hai nayaa saal hai
december mein puchhungaa kyaa haal hai

usi kaa shahr vahi muddai vahi munsif
hamein yaqin thaa hamaaraa qusur niklegaa

mire junun kaa natija zarur niklegaa
isi siyaah samundar se nuur niklegaa

log jis haal mein marne ki duaa karte hain
main ne us haal mein jiine ki qasam khaai hai

ik parinda abhi uDaan mein hai
tiir har shakhs ki kamaan mein hai

raavan raat jagaataa hai
koi raam-kahaani de

main baDaa ho gayaa huun magar bachpanaa
mere dil se kabhi bhi gayaa hi nahin

main bachpan mein khilaune toDtaa thaa
mire anjaam ki vo ibtidaa thi

raasta rok liyaa meraa kisi bachche ne
is mein koi to 'asar' meri bhalaai hogi

mujhe Thukraa diyaa tu ne faqat shaair samajh kar aaj
miri nazmein tire bachche syllabus mein paDhein to phir

miri maili hatheli par to bachpan se
gharibi kaa kharaa sonaa chamaktaa hai

kal yahi bachche samundar ko muqaabil paaeinge
aaj tairaate hain jo kaaghaz ki nannhi kashtiyaan