ishq se baaz aate ham divaane kyaa — Amir Mausavi

ham khudaa bhi maan leinge aap ko
aap pahle ho to jaaein aadmi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

sabhi se jab mohabbat chaahte ho
mohabbat kyon nahin karte sabhi se

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

kisi se ishq apnaa kyaa chhupaaein
mohabbat Tapki paDti hai nazar se

kin manzilon luTe hain mohabbat ke qaafile
insaan zamin pe aaj gharib-ul-vatan saa hai