ho duur pa yuun mujh mein samaai ho ki jaise — Amit Goswami

mujhe na Dar hai qayaamat kaa ab na khauf-e-ajal
main dard-e-tark-e-mulaaqaat sah ke aaya huun

tujh se jab guftugu nahin hoti
khud se teri hi baat kartaa huun

main ne chaahaa hai jise yuun to mukammal hai magar
ik kami hai ki use urdu nahin aati hai

subh ki chaae se phir aaiin yaad
tere pahlu mein chaae ki shaamein

chaar-su phailaa hai ab to ek bas furqat kaa rang
ab talak yak-rang tasvir-e-jahaan aisi na thi

hai tirgi se jang muqaabil aur apne saath
jugnu ki saf hai jashn-e-charaaghaan nahin to kyaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

pyaaso raho na dasht mein baarish ke muntazir
maaro zamin pe paanv ki paani nikal paDe