ashk-e-gham-e-ulfat mein ik raaz-e-nihaani hai — Anand Narayan Mulla

nizaam-e-mai-kada saaqi badalne ki zarurat hai
hazaaron hain safein jin mein na mai aai na jaam aayaa

tu ne pheri laakh narmi se nazar
dil ke aaine mein baal aa hi gayaa

rone vaale tujhe rone kaa saliqa hi nahin
ashk piine ke liye hain ki bahaane ke liye

shama ik mom ke paikar ke sivaa kuchh bhi na thi
aag jab tan mein lagaai hai to jaan aai hai

sar-e-mahshar yahi puchhungaa khudaa se pahle
tu ne rokaa bhi thaa bande ko khataa se pahle

vo kaun hain jinhein tauba ki mil gai fursat
hamein gunaah bhi karne ko zindagi kam hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

specialist pain-killer de to kaun saa?
''saare jahaan kaa dard hamaare jigar mein hai''

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin

baarish ke baa'd raat saDak aaina si thi
ik paanv paaniyon pe paDaa chaand hil gayaa