Dubnaa hi thaa jo kashti kaa muqaddar yaa-rab — Andaleeb Shadani

uff vo tufaan-e-shabaab aah vo siina teraa
jise har saans mein dab dab ke ubhartaa dekhaa

jigar mein Tiis lab hansne pe majbur
kuchh aisi hi hamaari zindagi hai

der lagi aane mein tum ko shukr hai phir bhi aae to
aas ne dil kaa saath na chhoDaa vaise ham ghabraae to

dil par choT paDi hai tab to aah labon tak aai hai
yuun hi chhan se bol uThnaa to shishe kaa dastur nahin

jhuuT hai sab taarikh hamesha apne ko dohraati hai
achchhaa meraa khvaab-e-javaani thoDaa saa dohraae to

chaahat ke badle mein ham bech dein apni marzi tak
koi mile to dil kaa gaahak koi hamein apnaae to

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

jab ki pahlu se yaar uThtaa hai
dard be-ikhtiyaar uThtaa hai

yaad aai hai to phir TuuT ke yaad aai hai
koi guzri hui manzil koi bhuli hui dost

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

meri qismat mein gham gar itnaa thaa
dil bhi yaa-rab kai diye hote

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi