ghair to aansu pochheinge — Anjum Barabankvi

ye baadshaah nahin hai faqir hai suraj
hamesha raat ki jholi se din nikaaltaa hai

mujhe sone ki qimat mat bataao
main miTTi huun miri azmat bahut hai

jo doston ki mohabbat se ji nahin bhartaa
to aastin mein do-chaar saanp paal ke rakh

jis baat kaa matlab khushbu hai har gaanv ke kachche raste par
us baat kaa matlab badlegaa jab pakki saDak aa jaaegi

mashhur bhi hain badnaam bhi hain khushiyon ke nae paighaam bhi hain
kuchh gham ke baDe inaam bhi hain paDhiye to kahaani kaam ki hai

zaraa mahfuz raston se guzarnaa
tumhaari shahr mein shohrat bahut hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

sher mein saath ravaani ke maaani bhi to bhar
ai 'sadaa' qaid tu kuuze mein samundar kar de

sukhan raaz-e-nashaat-o-gham kaa parda ho hi jaataa hai
ghazal kah lein to ji kaa bojh halkaa ho hi jaataa hai

jal thal kaa khvaab thaa ki kinaare Dubo gayaa
tanhaa kanval bhi jhiil se baahar nikal paDaa