shikam se maan ke gali se tumhaari duniyaa se — Aqeel Abbas

jaane is vaqt kahaan phone paDaa ho us kaa
jaane is vaqt vo kis shakhs ki aaghosh mein ho

sipah-gari kaa hunar bhi sukhan-vari bhi ho
main chaahtaa huun ki lashkar bhi ho pari bhi ho

ek bosa udhaar hai tum par
aur chaae bhi tez patti ki

khudaa ko khat likhungaa khud-kushi kaa
likhungaa main resign kar rahaa huun

safar nigal gae ham ko vagarna ham ne bhi
kahin pahunch ke kisi ko gale lagaanaa thaa

lams-e-husn-e-'ajib ki khvaahish
sar uThaati thi maar di main ne

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa