'armaan' bas ek lazzat-e-izhaar ke sivaa — Arman Najmi

huaa hai qarya-e-jaan mein ye saaneha kaisaa
mire vajud ke andar hai zalzala kaisaa

bachaa kyaa rah gayaa kaalak bhare jhulse makaanon mein
ujaaDi bastiyon ki be-nishaani kaa tamaashaa kar

ghuTan se bach ke kahin saans le nahin sakte
jahaan bhi jaaein ye kaalaa dhuaan to sar par hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ret par ik nishaan hai shaayad
ye hamaaraa makaan hai shaayad

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

aasmaan jhaank rahaa hai 'khaalid'
chaand kamre mein mire utraa hai