unhein ye zom ki be-sud hai sadaa-e-sukhan — Arshad Abdul Hamid

halqa-e-dil se na niklo ki sar-e-khucha-e-khaak
aish jitne hain isi kunj-e-kam-aasaar mein hain

miraa hi siina kushaada hai chaahaton ke taiin
tufang-e-dard miraa hi nishaanaa chaahti hai

ye duniyaa akbar zulmon ki ham majburi ki anaarkali
ham divaaron ke biich mein hain ham nargha-e-jabr-o-jalaal mein hain

gham-e-jahaan o gham-e-yaar do kinaare hain
udhar jo Duube vo aksar idhar nikal aae

ishq marhun-e-hikaayaat-o-gumaan bhi hogaa
vaaqia hai to kisi taur bayaan bhi hogaa

zamin ke paas kisi dard kaa ilaaj nahin
zamin hai ki mire ahd ki siyaasat hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

yuun baar baar mujh ko sadaaein na dijiye
ab vo nahin rahaa huun koi dusraa huun main

saare dukh so jaaeinge lekin ik aisaa gham bhi hai
jo mire bistar pe sadiyon kaa safar rakh jaaegaa

ye jo divaar andheron ne uThaa rakkhi hai
meraa maqsad isi divaar mein dar karnaa hai