halqa-e-dil se na niklo ki sar-e-khucha-e-khaak — Arshad Abdul Hamid

kuchh sitaare miri palkon pe chamakte hain abhi
kuchh sitaare mire siine mein samaae hue hain

sar-bulandi miri tanhaai tak aa pahunchi hai
main vahaan huun ki jahaan koi nahin mere sivaa

miTTi ko chuum lene ki hasrat hi rah gai
TuuTaa jo shaakh se to havaa le gai mujhe

sukhan ke chaak mein pinhaan tumhaari chaahat hai
vagarna kuza-gari ki kise zarurat hai

ye kis ko yaad kiyaa ruuh ki zarurat ne
ye kis ke naam se mere lahu mein phuul khile

ye intizaar nahin shama hai rifaaqat ki
is intizaar se tanhaai khub-surat hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

qarib dekh ke us ko ye baat kis se kahun
khayaal dil mein jo aayaa gunaah jaisaa thaa

ye vasl ki rut hai ki judaai kaa hai mausam
ye gulshan-e-dil hai ki bayaabaan kahin kaa

ashk Dhalte nahin dekhe jaate
dil pighalte nahin dekhe jaate

ik nazar ne kiyaa hai kaam tamaam
aarzu bhi to thi yahi dil ki