yahi 'arshad' hamaare nau-javaanon ki kahaani hai — Arshad Mir

phisal kar rah gae hain naa-gahaan kele ke chhilke se
kamandein Daalne ghar se chale the chaand taaron par

buraa angrez ko kahtaa huun piTtaa huun clerkon se
gadhe se gir ke ghussa aa hi jaataa hai kumhaaron par

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

shaagird-e-rashid aap saa huun shaikh-ji saahib
kuchh ilm o amal tum ne na shaitaan mein chhoDaa

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

gaaDi mein bhi ghar ko soche jaataa huun
gaaDi aage aur main pichhe jaataa huun

soch din raat yahi hai tire divaane ki
jaaiye shahr ko par chhoDiye sahraa kyunkar