jab zaraa raat hui aur mah o anjum aae — Asad Bhopali

aise iqraar mein inkaar ke sau pahlu hain
vo to kahiye ki labon pe na tabassum aae

itnaa to bataa jaao khafaa hone se pahle
vo kyaa karein jo tum se khafaa ho nahin sakte

ai mauj-e-havaadis tujhe maalum nahin kyaa
ham ahl-e-mohabbat hain fanaa ho nahin sakte

na bazm apni na apnaa saaqi na shisha apnaa na jaam apnaa
agar yahi hai nizaam-e-hasti to zindagi ko salaam apnaa

haalaat ne kisi se judaa kar diyaa mujhe
ab zindagi se zindagi mahrum ho gai

ishq ko jab husn se nazrein milaanaa aa gayaa
khud-ba-khud ghabraa ke qadmon mein zamaana aa gayaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

nazar se duur hain dil se judaa na ham hain na tum
gila karein bhi to kyaa be-vafaa na ham hain na tum

paDaa na farq koi pairahan badal ke bhi
lahu lahu hi rahaa jam ke bhi pighal ke bhi

pahlaa patthar yaad hamesha rahtaa hai
dukh se dil aabaad hamesha rahtaa hai

ye dil ki baat hi munh se adaa nahin hoti
main kyaa kahun ki yahaan baar baar kyuun aayaa