ye miri bazm nahin hai lekin — Asif Raza

ye dil mein vasvasa kyaa pal rahaa hai
tiraa milnaa bhi mujh ko khal rahaa hai

bhuul baiThaa huun main zamaane ko
ab zamaana bhi bhuul jaae mujhe

teraa meraa hai gumaan kaa rishta
tu hai meri tiri ijaad huun main

aansuon ko fuzul mat samjho
ye baDe qimti sahaare hain

ajnabi mujh se aa gale mil le
aaj ik dost yaad aae mujhe

jatan to khuub kiye us ne Taalne ke magar
main us ki bazm se us ke javaab tak na uThaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

bas ik jhijak hai yahi haal-e-dil sunaane mein
ki teraa zikr bhi aaegaa is fasaane mein

dil kaa chhunaa thaa ki jazbaat hue patthar ke
aisaa lagtaa hai ki ham shahr-e-tilismaat mein hain

pahunchi dilon ki aag hamaare khiyaam tak
lekin dhuaan to jaaegaa darbaar-e-shaam tak

jhuki jhuki si nazar be-qaraar hai ki nahin
dabaa dabaa saa sahi dil mein pyaar hai ki nahin