ham bhi 'aslam' isi gumaan mein hain — Aslam Emadi

unhein ye fikr ki dil ko kahaan chhupaa rakkhein
hamein ye shauq ki dil kaa khasaara kyunkar ho

nami utar gai dharti mein tah-ba-tah 'aslam'
bahaar-e-ashk nai rut ki ibtidaa mein hai

havaaein shahr ki aaluda-e-kasaafat hain
ye saaf-suthraa-pan aur ye nafaasatein jhuTi

tumhaare dard se jaage to un ki qadr khuli
vagarna pahle bhi apne the jism-o-jaan vahi

tum mire kamre ke andar jhaankne aae ho kyuun
so rahaa huun chain se huun Thiik hai sab Thiik hai

hazaar raaste badle hazaar svaang rache
magar hai raqs mein sar par ik aasmaan vahi

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

jaan denaa kisi pe laazim thaa
zindagi yuun basar nahin hoti

ai zindagi junun na sahi be-khudi sahi
tu kuchh bhi apni aql se paagal uThaa to laa

daastaan puuri na hone paai
zindagi khatm hui jaati hai