dilon ke dard jagaa khvaahishon ke khvaab sajaa — Atta Shad

dard ki dhuup mein sahraa ki tarah saath rahe
shaam aai to lipaT kar hamein divaar kiyaa

dil vo sahraa hai jahaan hasrat-e-saaya bhi nahin
dil vo duniyaa hai jahaan rang hai raanaai hai

vo kyaa talab thi tire jism ke ujaale ki
main bujh gayaa to miraa khaana-e-kharaab sajaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

na the aashiq kisi be-daad par ham jab talak 'taabaan'
hamaare dil ke taiin kuchh dard-o-gham tab tak na thaa hargiz

jin ke kirdaar se aati ho sadaaqat ki mahak
un ki tadris se patthar bhi pighal sakte hain