kal saamne manzil thi pichhe miri aavaazein — Azm Bahzad

dariyaa paar utarne vaale ye bhi jaan nahin paae
kise kinaare par le Duubaa paar utar jaane kaa gham

main tark-e-taalluq par zinda huun so mujrim huun
kaash us ke liye jiitaa apne liye mar jaataa

har tafsil mein jaane vaalaa zehn savaal ki zad par hai
har tashrih ke pichhe hai anjaam se Dar jaane kaa gham

koi aasaan rifaaqat nahin likkhi main ne
qurb ko jab bhi likhaa jazb-e-raqaabat likhkhaa

ai khvaab-e-paziraai tu kyuun miri aankhon mein
andesha-e-duniyaa ki taabir uThaa laayaa

ai ghubaar-e-khvaahish-e-yak-umr apni raah le
is gali mein tujh se pahle ik jahaan maujud hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein aise kai marhale bhi aate hain
har ek moD pe kuchh log chhuT jaate hain

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

yaad aai hai to phir TuuT ke yaad aai hai
koi guzri hui manzil koi bhuli hui dost