nazar kahin hai mukhaatab kisi se hain dil mein — Bekhud Dehlvi

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

huron se na hogi ye mudaaraat kisi ki
yaad aaegi jannat mein mulaaqaat kisi ki

raqibon ke liye achchhaa Thikaanaa ho gayaa paidaa
khudaa aabaad rakhe main to kahtaa huun jahannam ko

mohabbat aur majnun ham to saudaa is ko kahte hain
fidaa lailaa pe thaa aankhon kaa andhaa is ko kahte hain

bole vo muskuraa ke bahut iltijaa ke baad
ji to ye chaahtaa hai tiri maan jaaiye

paDhe jaao 'bekhud' ghazal par ghazal
vo but ban gae hain sune jaaeinge

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

id-e-nau-roz dil apnaa bhi kabhi khush karte
yaar aaghosh mein khurshid hamal mein hotaa

chhuT-puTaa vaqt hai bahtaa huaa dariyaa Thahraa
subh se shaam hui dil na hamaaraa Thahraa

dil-e-muztar ye kahe hai vahin le chal varna
toD chhaati ke kivaaDon ko nikal jaaungaa