ik raat dekh lenaa elaan-e-jang hogaa — Betakalluf Shaajapuri

har ustaad shaair ke ghar mein mileinge
ye har day ye churan vaghaira vaghaira

har chiiz mere ghar ki aashiq hui hai tujh par
deti hai meri murghi anDe tiri gali mein

muskuraate hain gaaliyaan sun kar
ye siyaasat ki be-hayaai hai

hain munne ki ammaa ki pakki saheli
shakuran ghafuran vaghaira vaghaira

chhupaa luun 'be-takalluf' main bhi kaTTe
saudi jaa ke phir chanda karun main

phuul jaate hain zaraa si baat par
kyaa chane ki daal jaise log hain

shor din ko nahin sone detaa
shab ko sannaaTaa jagaa detaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

us ko sochun to dhyaan mein mere
khushbu aati hai pahli baarish ki

baat vo aadhi raat ki raat vo puure chaand ki
chaand bhi ain chait kaa us pe tiraa jamaal bhi

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa