kiyaa tabaah to dilli ne bhi bahut 'bismil' — Bismil Saeedi

husn bhi kambakht kab khaali hai soz-e-ishq se
shama bhi to raat bhar jalti hai parvaane ke saath

dohraai jaa sakegi na ab daastaan-e-ishq
kuchh vo kahin se bhuul gae hain kahin se ham

tum jab aate ho to jaane ke liye aate ho
ab jo aa kar tumhein jaanaa ho to aanaa bhi nahin

sukun nasib huaa ho kabhi jo tere baghair
khudaa kare ki mujhe tu kabhi nasib na ho

ro rahaa huun aaj main saare jahaan ke saamne
roegaa kal dekhnaa saaraa jahaan mere liye

kaabe mein musalmaan ko kah dete hain kaafir
but-khaane mein kaafir ko bhi kaafar nahin kahte

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi