taa ki angur hare hon mire zakhm-e-dil ke — Dattatriya Kaifi

rahne de zikr-e-kham-e-zulf-e-musalsal ko nadim
us ke to dhyaan se bhi hotaa hai dil ko uljhaao

jo chashm-e-dil-rubaa ke vasf mein ashaar likhtaa huun
to har har lafz par ahl-e-nazar ik saad karte hain

tum se ab kyaa kahein vo chiiz hai daagh-e-gham-e-ishq
ki chhupaae na chhupe aur dikhaae na bane

dam ghanimat hai saaliko meraa
jaras-e-daur ki sadaa huun main

ye chalan hain to tumhein hashr se deinge tashbih
log saffaak kaheinge baDi rusvaai hai

vafaa par daghaa sulh mein dushmani hai
bhalaai kaa hargiz zamaana nahin hai

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

yuun 'aabru' banaave dil mein hazaar baatein
jab ru-ba-ru ho tere guftaar bhuul jaave

dilli mein dard-e-dil kuun koi puchhtaa nahin
mujh kuun qasam hai khvaaja-qutub ke mazaar ki

dukh ke safar pe dil ko ravaana to kar diyaa
ab saari umr haath hilaate raheinge ham