uThaa rakhi hai kisi ne kamaan suraj ki — Ejaz Gul

natija ek saa niklaa dimaagh aur dil kaa
ki donon haar gae imtihaan mein duniyaa ke

main umr ko to mujhe umr khinchti hai ulaT
tazaad samt kaa hai asp aur savaar ke biich

qismat ki kharaabi hai ki jaataa huun ghalat samt
paDtaa hai bayaabaan bayaabaan se aage

dhuup javaani kaa yaaraana apni jagah
thak jaataa hai jism to saaya maangtaa hai

ajiib shakhs thaa main bhi bhulaa nahin paayaa
kiyaa na us ne bhi inkaar yaad aane se

har mulaaqaat kaa anjaam judaai thaa agar
phir ye hangaama mulaaqaat se pahle kyaa thaa

jhaankte raat ke garebaan se
ham ne sau aaftaab dekhe hain

raushni ho rahi hai kuchh mahsus
kyaa shab aakhir tamaam ko pahunchi

shor din ko nahin sone detaa
shab ko sannaaTaa jagaa detaa hai

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

baat vo aadhi raat ki raat vo puure chaand ki
chaand bhi ain chait kaa us pe tiraa jamaal bhi

ye sar-ba-mohr botalein hain jo sharaab ki
raatein hain un mein band hamaari shabaab ki