lailaa ghar mein silaai karne lagi — Fahmi Badayuni

kaash vo raaste mein mil jaae
mujh ko munh pher kar guzarnaa hai

khuun pilaa kar jo sher paalaa thaa
us ne circus mein naukri kar li

pareshaan hai vo jhuTaa ishq kar ke
vafaa karne ki naubat aa gai hai

Tahalte phir rahe hain saare ghar mein
tiri khaali jagah ko bhar rahe hain

aaj paivand ki zarurat hai
ye sazaa hai rafu na karne ki

puchh lete vo bas mizaaj miraa
kitnaa aasaan thaa ilaaj miraa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

bikhre hue hain dil mein miri khvaahishon ke rang
ab main bhi ik sajaa huaa baazaar ho gayaa

jama kar ke dard saare tu ne paidaa dil kiyaa
kah tu ai dast-e-qazaa is se kyaa haasil kiyaa

sunte sunte unhein niind aa gai naadaan dil ne
shikva-e-hijr ko afsaana banaa kar chhoDaa

visaal-e-yaar furqaton ki rut badal nahin rahaa
badan qaraar paa gayaa hai dil sanbhal nahin rahaa